ವಿಶ್ವಸಂಸ್ಥೆಯ ಭದ್ರತ ಮಂಡಳಿಯಲ್ಲಿ ಇಂದು ತ್ವಿವರ್ಣ ಧ್ವಜ ಸ್ಥಾಪನೆ

ವಿಶ್ವಸಂಸ್ಥೆ: ವಿಶ್ವಸಂಸ್ಥೆಯ ಭದ್ರತ ಮಂಡಳಿಯಲ್ಲಿ ಭಾರತದ ಖಾಯಮೇತರ ಸದಸ್ಯತ್ವ ಅವಧಿ ಆರಂಭವಾಗಿದ್ದು, ಸೋಮವಾರ ತ್ರಿವರ್ಣ ಧ್ವಜ ಅಳವಡಿಸಲಾಗುತ್ತಿದೆ.

ಜ. 4ರಂದು ನಡೆಯುವ ವಿಶೇಷ ಸಮಾರಂಭದಲ್ಲಿ ಭಾರತ ಸಹಿತ ಐದು ಹೊಸ ಖಾಯಮೇತರ ಸದಸ್ಯ ದೇಶಗಳ ಧ್ವಜಗಳನ್ನು ಅಳವಡಿಸಲಾಗುತ್ತದೆ. ವಿಶ್ವಸಂಸ್ಥೆಯಲ್ಲಿ ಭಾರತದ ಖಾಯಂ ಪ್ರತಿನಿಧಿ ಟಿ.ಎಸ್‌. ತಿರುಮೂರ್ತಿ ಅವರು ಧ್ವಜ ಸ್ಥಾಪಿಸಿ ಕಿರು ಸಂದೇಶ ನೀಡಲಿದ್ದಾರೆ.

ಭಾರತದ ಜತೆಗೆ ನಾರ್ವೇ, ಕೀನ್ಯ, ಐರ್ಲಂಡ್‌ ಮತ್ತು ಮೆಕ್ಸಿಕೊ ದೇಶಗಳ ಭದ್ರತ ಸಂಸ್ಥೆಯಲ್ಲಿ ಖಾಯಮೇತರ ಸದಸ್ಯರಾಗಿವೆ.