Advertisement
ತುಮಕೂರು: ಸರ್ಕಾರದ ಕಟ್ಟುನಿಟ್ಟಿನ ಸೂಚನೆಯಂತೆ ಜಿಲ್ಲಾಡಳಿತ ಮುಂಜಾಗ್ರತಾ ಕ್ರಮವಾಗಿ ಕಟ್ಟುನಿಟ್ಟಿನ ಆದೇಶ ಹೊರಡಿಸಿ ಶಾಲಾ-ಕಾಲೇಜು, ಸಿನಿಮಾ ಮಂದಿರ, ಮಾಲ್‌ ಮುಚ್ಚಿಸಿದ್ದು, ಜಿಲ್ಲಾದ್ಯಂತ ಅಘೋಷಿತ ಬಂದ್‌ ವಾತಾವರಣ ನಿರ್ಮಾಣವಾಗಿತ್ತು.
Related Articles
Advertisement
ಒಂದು ವಾರ ನಿರ್ಬಂಧ: ವೈರಸ್‌ ತಡೆಯುವ ಸಂಬಂಧ ತುಮಕೂರು ಮಹಾನಗರ ಪಾಲಿಕೆ ಮಾ.14ರ ಮಧ್ಯರಾತ್ರಿಯಿಂದ ಒಂದು ವಾರ ನಗರದಲ್ಲಿ ಜನರು ಸೇರುವ ಕಾರ್ಯಕ್ರಮ, ಇನ್ನಿತರ ಪ್ರದೇಶಗಳಿಗೆ ನಿರ್ಬಂಧ ಏರಿ ಆಯುಕ್ತ ಟಿ. ಭೂಬಾಲನ್‌ ಆದೇಶ ಹೊರಡಿಸಿದ್ದಾರೆ.
ಸಿನಿಮಾ ಮಂದಿರ, ಮಾಲ್‌ಗ‌ಳು, ನಾಟಕಗಳು, ರಂಗಮಂದಿರಗಳು, ಪಬ್‌ಗಳು, ನೈಟ್‌ಕ್ಲಬ್‌ಗಳು, ವಸ್ತು ಪ್ರದರ್ಶನಗಳು, ಕಲ್ಯಾಣ ಮಂಟಪಗಳು, ಸಮುದಾಯಗಳು ಹಾಗೂ ಹೆಚ್ಚು ಜನ ಸೇರುವ ಕಾರ್ಯಕ್ರಮ ಸಂಪೂರ್ಣವಾಗಿ ನಿಷೇಧಿಸಲಾಗಿದೆ. ಪಾಲಿಕೆ ಪೂರ್ವಾನುಮತಿ ಪಡೆಯದೆ ಯಾವುದೇ ಬೇಸಿಗೆ ಶಿಬಿರ, ಸಾರ್ವಜನಿಕ ಸಭೆ, ಸಮಾರಂಭಗಳು ಹಾಗೂ ಇತರೆ ಕಾರ್ಯಕ್ರಮ ನಡೆಸುವಂತಿಲ್ಲ.
ಹೆಚ್ಚು ಜನ ಬಳಸುವ ಜಿಮ್‌ ಸೆಂಟರ್‌, ಪಿ.ಜಿ.ಗಳು, ಕೋಚಿಂಗ್‌ ಕ್ಲಾಸ್‌ಗಳು, ಈಜು ಕೊಳ ಸಂಪೂರ್ಣ ಸ್ಥಗಿತಗೊಳಿಸಲಾಗಿದೆ. ಹೋಟೆಲ್‌ಗ‌ಳ ಪಾರ್ಟಿಹಾಲ್‌ಗ‌ಳಲ್ಲಿ ನಡೆಯುವ ಸಭೆ-ಸಮಾರಂಭಗಳಿಗೂ ಅವಕಾಶವಿಲ್ಲ. ಹ್ಯಾಂಡ್‌ವಾಶ್‌, ಹ್ಯಾಂಡ್‌ ಸ್ಯಾನಿಟೇಜರ್‌ ಸಾರ್ವಜನಿಕ ಸ್ಥಳಗಳಲ್ಲಿ ಬಳಸಬೇಕು ಎಂದು ತಿಳಿಸಿದ್ದಾರೆ.
ಕೊರೊನಾ ವೈರಸ್‌ ಎಲ್ಲೆಡೆ ಹರಡುತ್ತಿರುವ ಹಿನ್ನೆಲೆಯಲ್ಲಿ ಬೀದಿಬದಿಯಲ್ಲಿ ಕತ್ತರಿಸಿದ ಹಣ್ಣುಗಳ ಮಾರಾಟ ಮಾಡುವವರು, ಮಾಂಸಹಾರಿ ಖಾದ್ಯ ತಯಾರಕರು, ತೆರೆದ ಸ್ಥಳಗಳಲ್ಲಿ ಆಹಾರ ತಯಾರಿಸಿ ಮಾರಾಟ ಮಾಡುವವರು ತಕ್ಷಣದಿಂದಲೇ ಸ್ಥಗಿತಗೊಳಿಸಬೇಕು. ನಾಗರಿಕರು ರಸ್ತೆಬದಿ ತೆರೆದಿಟ್ಟ ಆಹಾರ ಸೇವಿಸಬಾರದು. ಸ್ವಚ್ಛತೆ ಕಾಪಾಡಬೇಕು.-ಟಿ.ಭೂಬಾಲನ್‌, ಮಹಾನಗರ ಪಾಲಿಕೆ ಆಯುಕ್ತ * ಚಿ.ನಿ.ಪುರುಷೋತ್ತಮ್‌