ಮಹಿಳೆಗೆ ಮರ್ಮಾಂಗ ಪ್ರದರ್ಶನ:ಕಾನ್ಸ್‌ಟೇಬಲ್‌ ವಿರುದ್ಧ ಕೇಸ್‌

ಮುಂಬಯಿ : ಮಹಿಳೆಗೆ ಗುಪ್ತಾಂಗ ತೋರಿಸಿದಆರೋಪದಲ್ಲಿ ಪೊಲೀಸ್‌ ಕಾನ್ಸ್‌ಟೇಬಲ್‌ವೋರ್ವನನ್ನು ಮಂಗಳವಾರ ನೆಹರು ನಗರದಲ್ಲಿ ಬಂಧಿಸಿ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಹರಿಶ್ಚಂದ್ರ ಲಹಾನೆ ಆರೋಪಿ ಪೊಲೀಸ್‌ ಆಗಿದ್ದು, 10 ವರ್ಷಗಳಿಂದ ನೆಹರು ನಗರದಲ್ಲಿ ನೆಲೆಸಿದ್ದ. ಮೇ 10 ರಂದು ಬಾಲ್ಕನಿಗೆ ತೆರಳಿ ಅಲ್ಲಿ ಕುಳಿತಿದ್ದ ಮಹಿಳೆಯೆದುರು ನಗ್ನವಾಗಿ ಕಾಣಿಸಿಕೊಂಡು ಅಸಭ್ಯವಾಗಿ ವರ್ತಿಸಿದ್ದಾನೆ ಎಂದು ದೂರು ದಾಖಲಾಗಿದೆ.

ಮಹಿಳೆ ನೀಡಿದ ದೂರಿನನ್ವಯ ಪೊಲೀಸರು ತಕ್ಷಣ ಐಪಿಸಿ ಸೆಕ್ಷನ್‌ 354 (ಎ)ಮತ್ತು 509 ರ ಅಡಿ ಪ್ರಕರಣ ದಾಖಲಿಸಿಕೊಂಡು ಹರಿಶ್ಚಂದ್ರನನ್ನು ವಶಕ್ಕೆ ಪಡೆದಿದ್ದಾರೆ.ಕೋರ್ಟ್‌ ಜಾಮೀನಿನ ಮೇಲೆ ಬಿಡುಗಡೆ ಮಾಡಿದೆ ಎಂದು ಹಿರಿಯ ಪೊಲೀಸ್‌ ಇನ್ಸ್‌ಪೆಕ್ಟರ್‌ ವಿಶಾಲ್‌ ಶಿಂಧೆ ಮಾಹಿತಿ ನೀಡಿದರು.