ಉಳ್ಳಾಲ: ಏಳು ದಿನದ ಮಗುವನ್ನೂ ಬಿಡದ ಕೋವಿಡ್ ಸೋಂಕು!

ಉಳ್ಳಾಲ: ಉಳ್ಳಾಲ ನಗರಸಭಾ ವ್ಯಾಪ್ತಿಯ ಪೆರ್ಮನ್ನೂರು ಗ್ರಾಮದ ಕಲ್ಲಾಪುವಿನ ಏಳು ದಿನದ ಮಗುವಿಗೆ ಇಂದು ಸೋಂಕು ದೃಡವಾಗಿದೆ.

ನಗರದ ಖಾಸಗಿ ಆಸ್ಪತ್ರೆಯಲ್ಲಿ ಹೆರಿಗೆಗೆ ದಾಖಲಾಗಿದ್ದ ಗರ್ಭಿಣಿ ಮಹಿಳೆಗೆ ಜೂ. 30 ರಂದು ಹೆರಿಗೆಯಾಗಿದ್ದು, ಹೆರಿಗೆಯ ಮೊದಲು ಮಹಿಳೆಯ ಗಂಟಲುದ್ರವ ಪರೀಕ್ಷೆ ನಡೆಸಿದ್ದು ಸೋಂಕು ದೃಡವಾಗಿತ್ತು. ಇದೀಗ ಮಹಿಳೆಯ 7 ದಿನದ ಮಗುವಿಗೂ ಸೋಂಕು ದೃಡವಾಗಿದ್ದು ಕೋವಿಡ್ ಆಸ್ಪ್ರತೆಯಲ್ಲಿ ತಾಯಿ ಮಗುವಿಗೆ ಚಿಕಿತ್ಸ ನೀಡಲಾಗುತ್ತಿದೆ.

ಮೂಲತ: ಬಾಗಲಕೋಟೆಯ ಹುನಗುಂದ ತಾಲೂಕಿನ ಮಹಿಳೆ ಮತ್ತು ಆಕೆಯ ಪತಿ ತೊಕ್ಕೊಟ್ಟಿನ ಕಲ್ಲಾಪಿನ ಜಿನಸು ಅಂಗಡಿಯೊಂದರಲ್ಲಿ ಕೆಲಸಕ್ಕಿದ್ದು, ಅಲ್ಲೇ ಪಕ್ಕದಲ್ಲೇ ವಾಸವಾಗಿದ್ದರು.