Ullal; ಉಳ್ಳಾಲ: ಹಲ್ಲೆ; ದೂರು-ಪ್ರತಿದೂರು

ಉಳ್ಳಾಲ: ಹರೇಕಳದ ರಾಜಗುಡ್ಡೆಯಲ್ಲಿ ನೀರಿಗೆ ಸಂಬಂಧಿಸಿದ ವಿಚಾರದಲ್ಲಿ ಬಿಜೆಪಿ ಬೂತ್‌ ಅಧ್ಯಕ್ಷರಿಗೆ ಮತ್ತು ಅವರ ಅಜ್ಜಿಗೆ ಗುಂಪೊಂದು ಹಲ್ಲೆ ನಡೆಸಿದ್ದು, ಅಜ್ಜಿ ಮತ್ತು ಮೊಮ್ಮಗ ದೇರಳಕಟ್ಟೆಯ ಆಸ್ಪತ್ರೆಗೆ ದಾಖಲಾದರೆ, ಹಲ್ಲೆ ನಡೆಸಿದ ಯಾಕೂಬ್‌ ಮತ್ತು ತಾಯಿ, ಸಂಬಂಧಿಕ ಸಮೀರ್‌ ಇನ್ನೊಂದು ಆಸ್ಪತ್ರೆಯಲ್ಲಿ ದಾಖಲಾಗಿದ್ದು, ಇತ್ತಂಡಗಳಿಂದ ದೂರು ದಾಖಲಾಗಿದೆ.

ಬಿಜೆಪಿ ಬೂತ್‌ ಅಧ್ಯಕ್ಷ ಶರತ್‌ ಗಟ್ಟಿ ಮತ್ತು ಪಂಚಾಯತ್‌ ನೀರು ಬಿಡುವ ಯಾಕೂಬ್‌ ನಡುವೆ ನೀರು ಪೋಲು ಮಾಡಿದ ಕುರಿತು ಫೋನ್‌ನಲ್ಲಿ ಮಾತಿನ ಚಕಮಕಿ ನಡೆದಿತ್ತು. ಮಧ್ಯಾಹ್ನ ಮಸೀದಿಯಲ್ಲಿ ಪ್ರಾರ್ಥನೆ ನಡೆಸಿದ ಬಳಿಕ ಯಾಕೂಬ್‌ ಮತ್ತು ಆತನ ಸಂಬಂಧಿಕರು ಶರತ್‌ ಮನೆಗೆ ಬಂದು ಹಲ್ಲೆ ನಡೆಸಿದ್ದು, ಶರತ್‌ ಕೂಡ ತನ್ನ ತಾಯಿ ಮತ್ತು ಸಂಬಂಧಿಕ ಸಮೀರ್‌ಗೆ ಹಲ್ಲೆ ನಡೆಸಿದ್ದಾನೆ ಎಂದು ದೂರಿನಲ್ಲಿ ತಿಳಿಸಿದ್ದಾನೆ.

ಶರತ್‌ ಅವರ ದೂರಿನಲ್ಲಿ ಮಸೀದಿಯಲ್ಲಿ ಬಂದ ತಂಡವೊಂದು ಹಲ್ಲೆ ನಡೆಸಿದೆ ಎಂದು ಆರೋಪಿಸಲಾಗಿದೆ. ವಿ.ಪ. ಸದಸ್ಯ ಕಿಶೋರ್‌ ಬೊಟ್ಯಾಡಿ, ಸಂಸದ ಬೃಜೇಶ್‌ ಚೌಟ ಆಸ್ಪತ್ರೆಗೆ ಆಗಮಿಸಿ ಶರತ್‌ಗೆ ಧೈರ್ಯ ತುಂಬಿದ್ದಾರೆ.