ತಾಯ್ನಾಡಿಗಾಗಿ ಯಾವ ತ್ಯಾಗಕ್ಕೂ ಸಿದ್ಧ

ಕೀವ್‌: “ನನ್ನ ತಾಯ್ನಾಡಿಗಾಗಿ ಏನು ಮಾಡಲೂ ಸಿದ್ಧ’-ಇದು ರಷ್ಯಾದ ಕ್ಷಿಪಣಿ ದಾಳಿಗೆ ಸಿಲುಕಿ ಗಂಭೀರ ಗಾಯಗೊಂಡು ರಕ್ತಸಿಕ್ತ ಕೈಗಳನ್ನು ಮುಗಿದು ತನ್ನ ಪ್ರಾಣ ಉಳಿಸಿದ ದೇವತೆಗೆ ಉಕ್ರೇನ್‌ನ ಹಿರಿಯ ಶಿಕ್ಷಕಿ ಕೃತಜ್ಞತೆ ಸಲ್ಲಿಸಿದ ಪರಿ.

ಚುಗ್ವೇವ್‌ನ ಶಿಕ್ಷಕಿ ಒಲೆನಾ ಕುರಿಲೋ(52) ಅವರು ಖಾರ್ಕಿವ್‌ ಪ್ರದೇಶದಲ್ಲಿ ವಾಸವಾಗಿದ್ದು ಗುರುವಾರದಂದು ರಷ್ಯಾ ಪಡೆಗಳು ಈ ಪ್ರದೇಶವನ್ನು ಗುರಿಯಾಗಿಸಿ ದಾಳಿ ನಡೆಸಿದ ವೇಳೆ ಗಂಭೀರವಾಗಿ ಗಾಯಗೊಂಡಿದ್ದರು. ಇವರು ವಾಸವಾಗಿದ್ದ ಮನೆ ಸಂಪೂರ್ಣವಾಗಿ ಜರ್ಝರಿತವಾಗಿದ್ದು ಮನೆಯೊಳಗಿನಿಂದಲೇ ನೀಡಿದ ಈ ಸಂದೇಶ ಎಲ್ಲರ ಹೃದಯ ಕಲುಕುವಂತಿತ್ತು. ನನ್ನ ಜೀವನದಲ್ಲಿ ಇಂತಹ ಒಂದು ಘಟನೆ ನಡೆಯುತ್ತದೆ ಎಂದು ನಾನೆಂದೂ ಊಹಿಸಿರಲಿಲ್ಲ. ಉಕ್ರೇನ್‌ಗಾಗಿ ನನ್ನಿಂದ ಸಾಧ್ಯವಾದುದನ್ನೆಲ್ಲ ಮಾಡಿದ್ದೇನೆ.

ದೇಶಕ್ಕಾಗಿ ನನ್ನೆಲ್ಲ ಶಕ್ತಿಯನ್ನು ವಿನಿಯೋಗಿಸಿದ್ದೇನೆ. ನಾನು ಯಾವಾಗಲೂ ತನ್ನ ತಾಯ್ನಾಡಿನ ಪರವಾಗಿಯೇ ಇರುವವಳು ಎಂದವರು ಹೇಳಿದ್ದಾರೆ.