ರಸ್ತೆಗಳ ಹೆಸರನ್ನೇ ತಿರುಚಿ ರಷ್ಯನ್ನರಿಗೆ ಬೈಗುಳ

ಉಕ್ರೇನ್‌ನೊಳಗೆ ರಷ್ಯಾ ಯೋಧರು ನುಗ್ಗಿದ್ದಾರೆ. ದಾಳಿಗಳ ಮೇಲೆ ದಾಳಿ ಮಾಡುತ್ತಿದ್ದಾರೆ, ಹಾಗಂತ ಉಕ್ರೇನಿಗಳು ಸುಮ್ಮನೆ ಕುಳಿತಿಲ್ಲ. ಎದುರಾಳಿಗಳನ್ನು ದಿಕ್ಕೆಡಿಸಲು ಏನೇನು ಬೇಕೋ, ಅವೆಲ್ಲ ತಂತ್ರಗಳನ್ನು ಮಾಡುತ್ತಿದ್ದಾರೆ. ಮುಖ್ಯವಾಗಿ ರಸ್ತೆಗಳ ಫ‌ಲಕಗಳನ್ನೇ ತಿರುಚಿದ್ದಾರೆ!

ಮಾಮೂಲಿಯಾಗಿ ಆ ಫ‌ಲಕಗಳಲ್ಲಿ ರಸ್ತೆ ಎಲ್ಲಿಗೆ ಸಾಗುತ್ತದೆ ಎಂಬ ಮಾಹಿತಿಯಿರುತ್ತದೆ. ಈಗ ಉಕ್ರೇನಿಯನ್ನರು ಅದನ್ನು ಸ್ಥಳೀಯ ಭಾಷೆಯಲ್ಲಿ ಬೇರೆಯದ್ದೇ ರೀತಿಯಲ್ಲಿ ಬರೆದಿದ್ದಾರೆ. ಅವುಗಳ ಉದಾಹರಣೆಗಳನ್ನು ನೋಡಿ: ಗೋ ಫ‌…ಯುವರ್‌ಸೆಲ್ಫ್, ಗೋ ಫ‌…ಯುವರ್‌ಸೆಲ್ಫ್ ಎಗೇನ್‌, ಗೋ ಫ‌…ಯುವರ್‌ಸೆಲ್ಫ್ ಬ್ಯಾಕ್‌ ಇನ್‌ ರಷ್ಯಾ…ಹೀಗೆ ದೇಶಾದ್ಯಂತ ತರಹೇವಾರಿ ಶೀರ್ಷಿಕೆಗಳುಳ್ಳ ಫ‌ಲಕಗಳೇ ಕಾಣಸಿಗುತ್ತಿವೆ. ಒಟ್ಟಿನಲ್ಲಿ ಮುಂದೆಲ್ಲಿ ಹೋಗಬೇಕೆಂದು ರಷ್ಯನ್ನರು ತಿಳಿಯದೇ ಗೊಂದಲಗೊಳಗಾಗಬೇಕೆಂದು ಇದರ ಉದ್ದೇಶ.