ತೈಲ ಸಂಗ್ರಹಾಗಾರದ ಮೇಲೆ ಉಕ್ರೇನ್‌ನಿಂದ ದಾಳಿ; ರಷ್ಯಾಕ್ಕೆ ಉಕ್ರೇನ್‌ ಶಾಕ್‌!

ಮಾಸ್ಕೋ/ಕೀವ್‌: ಉಕ್ರೇನ್‌ ಮೇಲೆ ರಷ್ಯಾ ಆಕ್ರಮಣ ಆರಂ ಭಿಸಿ 37 ದಿನಗಳು ಪೂರೈಸು­ತ್ತಿ­ರು­ ವಂತೆಯೇ ಹೊಸ ಸುದ್ದಿ­ಯೊಂದು ಸ್ಫೋಟ­ಗೊಂಡಿದೆ. ಇದೇ ಮೊದಲ ಬಾರಿಗೆ ಉಕ್ರೇನ್‌ನ ಹೆಲಿಕಾಪ್ಟರ್‌ರಷ್ಯಾದ ಮೇಲೆ ದಾಳಿ ನಡೆಸಿವೆ!

ರಷ್ಯಾದ ಪಶ್ಚಿಮದಲ್ಲಿರುವ ಇಂಧನ ಸಂಗ್ರಹಾಗಾರದ ಮೇಲೆ ಉಕ್ರೇನ್‌ ದಾಳಿ ನಡೆಸಿದೆ ಎಂದು ರಷ್ಯಾದ ಪ್ರಾದೇಶಿಕ ಗವರ್ನರ್‌ ಹೇಳಿ­ದ್ದಾರೆ. ಯುದ್ಧ ಆರಂಭ­­ವಾದಾಗಿನಿಂದ ರಷ್ಯಾ ನೆಲದ ಮೇಲೆ ವೈಮಾನಿಕ ದಾಳಿಯಾಗಿರು­ವುದು ಇದೇ ಮೊದಲು.

ಇದರಿಂದ ತೈಲ ಸಂಗ್ರಹಾ­ಗಾರದ­ಲ್ಲಿದ್ದ ಇಬ್ಬರು ಸಿಬಂದಿ ಗಾಯ­ಗೊಂಡಿದ್ದಾರೆ. 170 ಅಗ್ನಿಶಾಮಕ ಸಿಬಂದಿ ಬೆಂಕಿ ನಂದಿಸಿ­ದ್ದಾರೆ ಎಂದೂ ರಷ್ಯಾ ಹೇಳಿದೆ. ಜತೆಗೆ, ಈ ಬೆಳವಣಿಗೆಯು ಎರಡೂ ದೇಶಗಳ ನಡುವಿನ ಸಂಧಾನ ಮಾತುಕತೆಗೆ ಅಡ್ಡಿ ಉಂಟುಮಾಡಲಿದೆ ಎಂದೂ ಎಚ್ಚರಿ­ಸಿದೆ.

ಈ ನಡುವೆ, ಅಚ್ಚರಿಯ ಬೆಳವಣಿಗೆ ಎಂಬಂತೆ ಕಳೆದೊಂದು ತಿಂಗಳಿಂದ ಚರ್ನೋಬಿಲ್‌ ಅಣು ವಿದ್ಯುತ್‌ ಸ್ಥಾವರವನ್ನು ತನ್ನ ಹಿಡಿತದಲ್ಲಿ ಇಟ್ಟುಕೊಂಡಿದ್ದ ರಷ್ಯಾ ಪಡೆ, ಶುಕ್ರವಾರ ಅದನ್ನು ಉಕ್ರೇನಿಯನ್ನರಿಗೆ ಬಿಟ್ಟುಕೊಟ್ಟು ಅಲ್ಲಿಂದ ಹೊರಟಿದೆ.