ಕಂದಕಕ್ಕೆ ಉರುಳಿದ ಕಾರು : ತಂದೆ-ಮಗ ಸೇರಿ ಐವರ ದುರ್ಮರಣ

ಗೋಪೆಶ್ವರ್ : ಗಿರಿಕಂದಕಕ್ಕೆ ಕಾರು ಉರುಳಿದ ಪರಿಣಾಮ ತಂದೆ-ಮಗ ಸೇರಿ ಐವರು ದುರ್ಮರಣ ಹೊಂದಿರುವ ಘಟನೆ ಉತ್ತರಾಖಂಡನ ಚಮೋಲಿ ಜಿಲ್ಲೆಯಲ್ಲಿ ಶನಿವಾರ (ಏಪ್ರಿಲ್ 17) ತಡರಾತ್ರಿ ಸಂಭವಿಸಿದೆ.

ಬದ್ರಿನಾಥ್ ರಾಷ್ಟ್ರೀಯ ಹೆದ್ದಾರಿಯಲ್ಲಿರುವ ಗರುಂಗಂಗಾ ಗ್ರಾಮದ ಬಳಿಕಯಲ್ಲಿರುವ ಕಂದಕಕ್ಕೆ ಕಾರು ಉರುಳಿ ಬಿದ್ದು ಈ ದುರ್ಘಟನೆ ನಡೆದಿದೆ. ಕಾರಿನಲ್ಲಿದ್ದ ಎಲ್ಲರೂ ಸಾವನ್ನಪ್ಪಿದ್ದು, ಭಾನುವಾರ ಮುಂಜಾನೆ ಮೃತದೇಹಗಳನ್ನು ಹೊರತೆಗೆಯಲಾಗಿದೆ ಎಂದು ಜಿಲ್ಲಾ ವಿಪತ್ತು ನಿರ್ವಹಣಾ ಅಧಿಕಾರಿಗಳು ತಿಳಿಸಿದ್ದಾರೆ.

 

ಇನ್ನು ಅಪಘಾತದಲ್ಲಿ ಮೃತಪಟ್ಟಿರುವವರ ಹೆಸರುಗಳು ಪತ್ತೆಯಾಗಿದ್ದು, ಪ್ರತಾಪ್ ನೈತವಾಲ್ ( ವಯಸ್ಸು 50), ಈತನ ಮಗ ರಜತ್ ನೈತವಾಲ್ ( ವಯಸ್ಸು 23), ಪ್ರವೀಣ ನೈತವಾಲ್ (ವಯಸ್ಸು 22), ಗಣೇಶ್ ಗಮ್ಸ್ವಾಲ್ (ವಯಸ್ಸು 29) ಹಾಗೂ ಶೈಲೆಂದ್ರ ಹಿಂದ್ವಾಲ್ ( ವಯಸ್ಸು 32) ಮೃತ ದುರ್ದೈವಿಗಳು.