ಏರ್‌ಟೆಲ್‌ಗೆ ನೀಡಿದ್ದ ಇಕೆವೈಸಿ ಲೈಸೆನ್ಸ್‌ ರದ್ದು

ಹೊಸದಿಲ್ಲಿ: ಗ್ರಾಹಕರ ಸಮ್ಮತಿಯಿಲ್ಲದೇ ಆಧಾರ್‌ ಮೂಲಕ ಸಿಮ್‌ ನೋಂದಣಿ ಮಾಡುತ್ತಿದ್ದ ಟೆಲಿಕಾಂ ಸೇವೆ ಪೂರೈಕೆದಾರ ಸಂಸ್ಥೆ ಏರ್‌ಟೆಲ್‌ ಮತ್ತು ಏರ್‌ಟೆಲ್‌ ಪೇಮೆಂಟ್ಸ್‌ ಬ್ಯಾಂಕ್‌ಗೆ ಆಧಾರ್‌ ಪ್ರಾಧಿಕಾರ (ಯುಐಡಿಎಐ) ನಿಷೇಧ ಹೇರಿದೆ. ಇನ್ನು ಮುಂದೆ ಈ ಸಂಸ್ಥೆಗಳು ಆಧಾರ್‌ ಮೂಲಕ ಇಕೆವೈಸಿ ನೋಂದಣಿ ಮಾಡುವಂತಿಲ್ಲ. ಇದೇ ಮೊದಲ ಬಾರಿಗೆ ಇಂಥ ಕಠಿಣ ನಿರ್ಧಾರವನ್ನು ಆಧಾರ್‌ ಪ್ರಾಧಿಕಾರ ತೆಗೆದುಕೊಂಡಿದೆ. ಅಲ್ಲದೆ ಏರ್‌ಟೆಲ್‌ ಪೇಮೆಂಟ್ಸ್‌ ಬ್ಯಾಂಕ್‌ ಖಾತೆಯನ್ನು ಎಲ್‌ಪಿಜಿ ಸಬ್ಸಿಡಿ ಪಡೆಯಲೂ ಲಿಂಕ್‌ ಮಾಡಲಾಗಿರುವುದಕ್ಕೂ ಆಧಾರ್‌ ಪ್ರಾಧಿಕಾರ ಆಕ್ಷೇಪ ವ್ಯಕ್ತಪಡಿಸಿದೆ.