ಕ್ಲಸ್ಟರ್‌ ಪದ್ಧತಿ ಅಡಿ ಯುಜಿಸಿ, ಎಐಸಿಟಿಇ ಒಟ್ಟಾಗಿ ಕೆಲಸ

ನವದೆಹಲಿ: ವಿಶ್ವವಿದ್ಯಾಲಯ ಧನಸಹಾಯ ಆಯೋಗ(ಯುಜಿಸಿ) ಮತ್ತು ಅಖೀಲ ಭಾರತ ತಾಂತ್ರಿಕ ಶಿಕ್ಷಣ ಮಂಡಳಿ(ಎಐಸಿಟಿಇ) ಜತೆಯಾಗಿ ಕೆಲಸ ಮಾಡಲು ತೀರ್ಮಾನಿಸಿವೆ.

ಹೆಚ್ಚು ಕಡಿಮೆ ಎರಡೂ ಮಂಡಳಿಗಳ ಕೆಲಸಗಳು ಒಂದೇ ರೀತಿ ಇರುವುದರಿಂದ ಕ್ಲಸ್ಟರ್‌ ಪದ್ಧತಿ ಅಳವಡಿಸಿಕೊಳ್ಳಲು ಯುಜಿಸಿ ಮತ್ತು ಎಐಸಿಟಿಇ ನಿರ್ಧರಿಸಿವೆ.

ಕ್ಲಸ್ಟರ್‌ ಪದ್ಧತಿ ಅಡಿಯಲ್ಲಿ ಯುಜಿಸಿ ಮತ್ತು ಎಐಸಿಟಿಇ ಅಧಿಕಾರಿಗಳನ್ನು ಒಂದೇ ಇಲಾಖೆಯಡಿ ಸೇರಿಸಲಾಗುವುದು. ಈ ಇಲಾಖೆಯು ಸಂಶೋಧನೆ, ತರಬೇತಿ ಸೇರಿದಂತೆ ಉನ್ನತ ಶಿಕ್ಷಣ ನೀತಿ ನಿರೂಪಣೆ ಕುರಿತ ಕಾರ್ಯಗಳನ್ನು ನಿರ್ವಹಿಸಲಿದೆ.