Advertisement
2020-21ನೇ ಸಾಲಿನ ಎಪ್ರಿಲ್‌ನಲ್ಲಿ 51 ಹಾಗೂ ಮೇ ನಲ್ಲಿ 520, ಜೂನ್‌ನಲ್ಲಿ ಸುಮಾರು 600ಕ್ಕೂ ಅಧಿಕ ಭೂಮಿಗಳ ನೋಂದಣಿಯಾಗಿದ್ದು ಅದರಿಂದ ಕ್ರಮವಾಗಿ 24.13 ಲ.ರೂ., 1.93 ಕೋ.ರೂ., 2.30 ಕೋ.ರೂ. ರಾಜಸ್ವ ಸಂಗ್ರಹವಾಗಿದೆ.
1986-87ರಿಂದ 2009-10ರ ಅವಧಿ ಮಧ್ಯೆ ಉಡುಪಿ ಸಬ್‌ ರಿಜಿಸ್ಟ್ರಾರ್‌ ಕಚೇರಿಯಲ್ಲಿ ಭೂಮಿ ಕಡತ ಗಳ ನೊಂದಣಿಯಾಗುವ ಭೂಮಿ ಕಡತ ಗಳ ಸಂಖ್ಯೆ ವರ್ಷದಿಂದ ವರ್ಷಕ್ಕೆ ಸರಾಸರಿ 300ರಿಂದ 900 ಕಡತಗಳು ನೋಂದಣಿಯಾಗುತ್ತಿತ್ತು. 2010-11 ಹಾಗೂ 2011-12ರಲ್ಲಿ ಭೂಮಿ ನೋಂದಣಿ ಸಂಖ್ಯೆ ಕ್ರಮವಾಗಿ 11,169 ಹಾಗೂ 13,096 ದಾಟಿತ್ತು. ಅನಂತರ ವರ್ಷದಲ್ಲಿ ಭೂಮಿ ನೋಂದಣಿಯಾಗುವ ಸಂಖ್ಯೆ ಹಿಂದಿನ ವರ್ಷಕ್ಕಿಂತ 300ರಿಂದ 900 ಕಡತಗಳು ಹೆಚ್ಚಿಗೆಯಾಗುತ್ತಿತ್ತು.
Related Articles
ಪ್ರತಿ ವರ್ಷ ಇಲಾಖೆಯಿಂದ ನೀಡುವ ಗುರಿಯನ್ನು ಮುಟ್ಟುವಲ್ಲಿ ಉಡುಪಿ ಸಬ್‌ ರಿಜಿಸ್ಟ್ರಾರ್‌ ಕಚೇರಿ ಹರಸಾಹಸ ಪಡುತ್ತಿದೆ. 2019-20ರಲ್ಲಿ 70 ಕೋ.ರೂ. ರಾಜಸ್ವ ಸಂಗ್ರಹದ ಗುರಿಯನ್ನು ನೀಡಿದ್ದು, ಅದರಲ್ಲಿ ಉಡುಪಿ ಸಬ್‌ ರಿಜಿಸ್ಟ್ರಾರ್‌ ಕಚೇರಿಯು 66.18 ಕೋ.ರೂ. ರಾಜಸ್ವ ಸಂಗ್ರಹಿಸಿತ್ತು. 9/11 ಬಂದ ಅನಂತರ ನೋಂದಣಿ ಪ್ರಮಾಣ ಗಣನೀಯವಾಗಿ ಕಡಿಮೆಯಾಗಿದೆ. ಹೊಸ ಪ್ರಾಜೆಕ್ಟ್ಗಳು ಬರುತ್ತಿಲ್ಲ. ಲೋನ್‌ ಡಾಕ್ಯುಮೆಂಟ್‌ ಕ್ಲಿಯರ್‌ ಮಾಡಲಾಗುತ್ತಿದೆ. ನಿತ್ಯ 5ರಿಂದ 6 ಸೇಲ್‌ ಡೀಡ್‌ ನೋಂದಾಯಿಸಲಾಗುತ್ತಿದೆ. ಈ ಹಿಂದೆ ಸೇಲ್‌ ಡೀಡ್‌ ನೋಂದಣಿ ಸಂಖ್ಯೆ ದಿನವೊಂದಕ್ಕೆ 15ರಿಂದ 20 ಇತ್ತು.
Advertisement
6 ಪಟ್ಟು ಏರಿಕೆ!1986-2019ರ ವರೆಗಿನ34 ವರ್ಷಗಳ ಸುಧೀರ್ಘ ಅವಧಿಯಲ್ಲಿ ಉಡುಪಿ ಸಬ್‌ ರಿಜಿಸ್ಟ್ರಾರ್‌ಕಚೇರಿಯಲ್ಲಿ ಭೂಮಿ ಕಡತಗಳ ನೋಂದಣಿ 6 ಪಟ್ಟು ಏರಿಕೆ ಯಾಗಿದೆ. 1986-87ರಲ್ಲಿ 2,601 ಕಡತಗಳ ನೊಂದಣಿಯಾಗಿದ್ದು, 2019-20ರಲ್ಲಿ 12,245 ಭೂಮಿಯ ಕಡತಗಳು ನೋಂದಣಿ ಯಾಗಿವೆ. ಜತೆಗೆ ಮೂರು ದಶಕದಲ್ಲಿ ನಿವ್ವಳ ಆದಾಯ 26.15 ಲ.ರೂ.ನಿಂದ 66.18 ಕೋ.ರೂ.ಗೆ ಹಾಗೂ ಕಚೇರಿಯ ವಾರ್ಷಿಕ ವೆಚ್ಚ ಸಹ 9,000ದಿಂದ 29.32 ಲ.ರೂ.ಗೆ ಏರಿಕೆಯಾಗಿದೆ. ಪ್ರತಿನಿತ್ಯ 5ರಿಂದ 6 ಭೂಕಡತ ನೋಂದಣಿ ಕೋವಿಡ್‌ದಿಂದ ಉಡುಪಿ ಸಬ್‌ರಿಜಿಸ್ಟ್ರಾರ್‌ ಕಚೇರಿಯಲ್ಲಿ ಭೂಮಿ ನೊಂದಣಿ ಸಂಖ್ಯೆ ಕುಸಿತವಾಗಿದ್ದು , ಇದೀಗ ನಿತ್ಯ 5ರಿಂದ 6 ಭೂ ಕಡತಗಳು ನೋಂದಣಿಯಾಗುತ್ತಿದೆ.
-ಫ‌ಣೀಂದ್ರ, ಹಿರಿಯ ಉಪನೋಂದಣಾಧಿಕಾರಿ,
ಉಡುಪಿ ಸಬ್‌ರಿಜಿಸ್ಟ್ರಾರ್‌ ಕಚೇರಿ