Udupi: ಶ್ರೀ ಚಂದ್ರಮೌಳೀಶ್ವರ ರಥೋತ್ಸವ

ಉಡುಪಿ: ಶ್ರೀ ಚಂದ್ರಮೌಳೀಶ್ವರ ದೇವರ ಕಾಲಾವಧಿ ರಥೋತ್ಸವವು ಆಡಳಿತ ಮೊಕ್ತೇಸರರು, ಭಾವೀ ಪರ್ಯಾಯ ಪೀಠಾಧೀಶರಾದ ಶ್ರೀ ಪುತ್ತಿಗೆ ಮಠದ ಶ್ರೀ ಸುಗುಣೇಂದ್ರತೀರ್ಥ ಶ್ರೀಪಾದರ ಉಪಸ್ಥಿತಿಯಲ್ಲಿ ಗುರುವಾರ ನೆರವೇರಿತು.

ಬೆಳಗ್ಗೆ ಕಲಶಾಭಿಷೇಕ, ಮಹಾಪೂಜೆ, ಪಂಚಕಲಶ, ಅಂಬಲಪಾಡಿ ಶ್ರೀಲಕ್ಷ್ಮೀ ಜನಾರ್ದನ ಭಗಿನೀ ಭಜನೆ ಮಂಡಳಿಯಿಂದ ಭಜನೆ ಜರಗಿತು. ಬೆಳಗ್ಗೆ 11.45ಕ್ಕೆ ರಥಾರೋಹಣ, ಮಧ್ಯಾಹ್ನ ಮಹಾ ಅನ್ನಸಂತರ್ಪಣೆ ನೆರವೇರಿತು. ಸಂಜೆ 5ಕ್ಕೆ ವಿದ್ವಾನ್‌ ದಾಮೋದರ ಸೇರಿಗಾರ ಮತ್ತು ಬಳಗದವರಿಂದ ಸ್ಯಾಕ್ಸೋಪೋನ್‌ ವಾದನ, ಅನಂತರ ರಥೋತ್ಸವ ಜರಗಿತು. ರಾತ್ರಿ ಪೂಜೆ, ಭೂತಬಲಿ, ಶಯನ ಮಂಟಪ ಪೂಜೆ, ಶಯನೋತ್ಸವ ಇತ್ಯಾದಿ ಕಾರ್ಯಕ್ರಗಳು ಸಂಪನ್ನಗೊಂಡವು.