Advertisement
ಗ್ರಾಮಗಳಿಂದ ಹಿಡಿದು ನಗರಗಳಲ್ಲಿನ ಕೆಲವೊಂದು ಸಮಸ್ಯೆಗಳು ಎಸ್ಪಿಯವರ ಗಮನಕ್ಕೆ ಬಾರದೆ ಇದ್ದು, ಸಮಸ್ಯೆ ಹಾಗೆಯೇ ಉಳಿದು ಬಿಡುತ್ತದೆ. ಇನ್ನು ಕೆಲವು ಸಮಸ್ಯೆಗಳು ಬೆಳೆಯುತ್ತಾ ಹೋಗುತ್ತದೆ. ಕೆಲವೊಂದು ವಾಹನಗಳ ಸವಾರರು ರಾತ್ರಿ ವೇಳೆಯಲ್ಲಿ ಕಣ್ಣಿಗೆ ಹೊಡೆಯುವಂತಹ ದೀಪಗಳನ್ನು ಹಾಕುತ್ತಾರೆ, ಜೀಬ್ರಾ ಕ್ರಾಸಿಂಗ್ನಲ್ಲಿ ಜನರು ಕ್ರಾಸಿಂಗ್ ಮಾಡುವಾಗ ವಾಹನದವರು ನಿಧಾನಿಸುವುದಿಲ್ಲ. ಅನಗತ್ಯ ರಸ್ತೆ ತಡೆಗಳು, ರಸ್ತೆ ತಿರುವುಗಳು, ಸೂಚನಾ ಫಲಕಗಳು ಮೊದಲಾದ ಸ್ಥಳೀಯ ಸಮಸ್ಯೆಗಳ ಬಗ್ಗೆಯೂ ಮಾಹಿತಿ ನೀಡಬಹುದಾಗಿದೆ.
ಕೊಡುತ್ತಾರೆ ಒತ್ತು
ಎಸ್ಪಿಯವರ ಫೋನ್-ಇನ್ನಲ್ಲಿ ಎಲ್ಲ ದೂರು/ವಿಚಾರ/ಮಾಹಿತಿ ಗಳನ್ನು ಮುಕ್ತವಾಗಿ ಅವ ರೊಂದಿಗೆ ಹಂಚಿಕೊಳ್ಳಬಹುದು. ಇಲ್ಲಿ ಗೌಪ್ಯತೆ ಕಾಪಾಡಲಾಗುವುದು. ಮಾಹಿತಿ ತಿಳಿಸುವವರ ಹೆಸರನ್ನು ಯಾವುದೇ ಕಾರಣಕ್ಕೂ ಬಹಿರಂಗಪಡಿಸಲಾಗುವುದಿಲ್ಲ. ಫೋನ್-ಇನ್ನಲ್ಲಿ ಪತ್ರಕರ್ತರು ಭಾಗಿಯಾಗುತ್ತಾರಾದರೂ, ಅವರಿಗೆ ಸಹ ಕರೆ ಮಾಡಿದವರ ಹೆಸರು, ವಿಳಾಸದ ವಿವರವನ್ನು ಎಸ್ಪಿಯವರು ನೀಡದೆ ಗೌಪ್ಯವಾಗಿಡುತ್ತಿದ್ದಾರೆ. ಹಾಗಾಗಿ ಸಾರ್ವಜನಿಕರಿಗೆ ಗೌಪ್ಯತೆಯ ಬಗ್ಗೆ ಯಾವುದೇ ಸಂದೇಹ ಬೇಡ. ಉತ್ತಮ ಸಮಾಜಕ್ಕಾಗಿ ಫೋನ್-ಇನ್ಗೆ ಕರೆ ಮಾಡಿ ಮಾಹಿತಿ ಕೊಡಿ. ಈ ಶನಿವಾರ ಕರೆ ಬ್ಯುಸಿ ಬಂದರೆ, ಕನೆಕ್ಟ್ ಆಗದಿದ್ದರೆ, ತಾಳ್ಮೆಯಿಂದಿರಿ. ಮತ್ತೂಂದು ಶನಿವಾರ ಬೆಳಗ್ಗೆ 10ಕ್ಕೆ ಸಿದ್ಧರಾಗಿರಿ.