Udupi: ರೆಡಿಮೇಡ್ ಮಳಿಗೆಗೆ 5 ಲಕ್ಷ ರೂ. ಕರೆಂಟ್ ಬಿಲ್! ; ದಂಗಾದ ಗ್ರಾಹಕ

ಉಡುಪಿ: ರಾಜ್ಯದಲ್ಲಿ ಗೃಹ ಜ್ಯೋತಿ ಯೋಜನೆ ಬಂದಾಗಿನಿಂದ ವಿದ್ಯುತ್ ಬಿಲ್ ನಲ್ಲಿ ಹಲವೆಡೆ ಲೋಪಗಳು ಕಂಡುಬಂದಿದ್ದು, ನೂರು ಪಟ್ಟು ಹೆಚ್ಚಿನ ವಿದ್ಯುತ್ ಬಿಲ್ ಕಂಡು ಗ್ರಾಹಕರು ದಂಗಾಗಿರುವ ಹಲವು ಘಟನೆಗಳು ನಡೆದಿವೆ. ಅದೇ ರೀತಿ ಉಡುಪಿ ನಗರದ ರೆಡಿಮೇಡ್ ಮಳಿಗೆಯೊಂದಕ್ಕೆ 5 ಲಕ್ಷ ರೂ. ವಿದ್ಯುತ್ ಬಿಲ್ ಬಂದಿದೆ.

ಈಗಾಗಲೇ 2509 ರೂ. ವಿದ್ಯುತ್ ಬಿಲ್ ನೀಡಲಾಗಿದ್ದು, ಅಕ್ಟೊಬರ್ 15 ಪಾವತಿಗೆ ಕೊನೆಯ ದಿನಾಂಕವಾಗಿದೆ. ಪ್ರತಿ ಬಾರಿ ಮೆಸ್ಕಾಂಗೆ ವಿದ್ಯುತ್ ಬಿಲ್ ಆನ್ ಲೈನ್ ಮೂಲಕ ಪೇಮೆಂಟ್ ಮಾಡುತ್ತಿದ್ದು, ಇದೀಗ ಆನ್ ಲೈನ್ ಪೇಮೆಂಟ್ 5,70,507 ರೂ(ಐದು ಲಕ್ಷದ ಎಪ್ಪತ್ತು ಸಾವಿರದ ಐನೂರ ಏಳು) ಎಂದು ಕಂಡುಬಂದಿದೆ. ಆನ್ ಲೈನ್ ನಲ್ಲಿ ನಾಲ್ಕು ದಿನಗಳೊಳಗೆ ಇಷ್ಟೊಂದು ದೊಡ್ಡ ಮೊತ್ತದ ಬಿಲ್ ಕಟ್ಟಬೇಕಾಗಿದೆ. ರೆಡಿಮೇಡ್ ಅಂಗಡಿಯ ಮಾಲಕರು ಬಿಲ್ ನೋಡಿ ದಂಗಾಗಿದ್ದು, ದೋಷ ಸರಿಪಡಿಸಬೇಕೆಂದು ಮೆಸ್ಕಾಂ ಅಧಿಕಾರಿಗಳನ್ನು ಒತ್ತಾಯಿಸಿದ್ದಾರೆ.