Advertisement
ಕುತ್ಪಾಡಿ ದಿ| ಚಪ್ಪರ ಗುರಿಕಾರರ ಪುತ್ರ ಸುಧಾಕರ ಮತ್ತು ಪಕ್ಷಿಕೆರೆ ಕಾಪಿಕಾಡು ದಿ| ಸೋಮಯ್ಯ ಅವರ ಪುತ್ರಿ ಹರಿಣಾಕ್ಷಿ ಅವರ ವಿವಾಹವೇ ಈ ಹೊಸ ಅಧ್ಯಾಯಕ್ಕೆ ಮುನ್ನುಡಿ ಬರೆಯಿತು.
ಈ ವಿವಾಹ ಕಾರ್ಯಕ್ರಮದಲ್ಲಿ ಆಮಂತ್ರಣ ಪತ್ರಿಕೆಯಿಂದ ಊಟದ ವ್ಯವಸ್ಥೆಯವರೆಗೂ ಎಲ್ಲಿಯೂ ಪ್ಲಾಸ್ಟಿಕ್‌ ಬಳಕೆ ಕಂಡುಬರಲಿಲ್ಲ. ಅದಲ್ಲದೇ ಮದುವೆಯ ಅನಂತರ ಪರಿಸರಕ್ಕೆ ಹಾನಿಯಾಗುವ ಯಾವುದೇ ತ್ಯಾಜ್ಯ ಉತ್ಪತ್ತಿಯಾಗದಂತೆ ಎಲ್ಲ ರೀತಿಯ ಮುನ್ನೆಚ್ಚರಿಕೆ ಕ್ರಮಗಳನ್ನು ವಹಿಸಲಾಗಿತ್ತು. ಕಲ್ಯಾಣ ಮಂಟಪವನ್ನು ಬಟ್ಟೆಯಿಂದ ತಯಾರಿಸಿದ ಹೂ ಮತ್ತು ನೈಸರ್ಗಿಕ ಹೂಗಳಿಂದಲೇ ಸಿಂಗರಿಸಲಾಗಿತ್ತು. ನೀರು ಕುಡಿಯಲು ಸ್ಟೀಲ್‌ ಲೋಟಗಳು ಮತ್ತು ಊಟಕ್ಕೆ ಪಿಂಗಾಣಿ ತಟ್ಟೆಗಳನ್ನು ಬಳಸಲಾಯಿತು.
Related Articles
ಡಿಸಿಗೆ ಸಲ್ಲಿಸಿದರು. ವರದಿ ಪರಿಶೀಲಿಸಿದ ಜಿಲ್ಲಾಧಿಕಾರಿ ಪ್ರಿಯಾಂಕಾ ಮೇರಿ ಫ್ರಾನ್ಸಿಸ್‌ ಖುದ್ದಾಗಿ ವಿವಾಹ ಮಹೋತ್ಸವಕ್ಕೆ ಆಗಮಿಸಿ ನವ ದಂಪತಿಯನ್ನು ಅಭಿನಂದಿಸಿದರು. ನವಚೇತನ ಯುವಕ ಮಂಡಲ ಮತ್ತು ನವಚೇತನ ಯುವತಿ ಮಂಡಲ ಕಟ್ಟೆಗುಡ್ಡೆ ಸಂಘದ ಸದಸ್ಯ ಸುಧಾಕರ ಅವರ ವಿವಾಹವನ್ನು ಪ್ಲಾಸ್ಟಿಕ್‌ ರಹಿತವಾಗಿ ಮಾಡಿ, ಎಲ್ಲರಿಗೂ ಮಾದರಿಯಾಗುವುದಾಗಿ ಜಿ.ಪಂ. ಅಧ್ಯಕ್ಷ ದಿನಕರ ಬಾಬು ತಿಳಿಸಿದ್ದರು. ಅದರಂತೆ ವಿವಾಹ ನೆರವೇರಿದೆ. ಪ್ರತಿಯೊಬ್ಬರಿಗೂ ಮಾದರಿಯಾಗಲಿ ಎಂದರು.
Advertisement
ಜಿ.ಪಂ. ಮುಖ್ಯ ಯೋಜನಾಧಿಕಾರಿ ಶ್ರೀನಿವಾಸ ರಾವ್‌, ಉಡುಪಿ ತಾ.ಪಂ. ಎಡಿ ಹರಿಕೃಷ್ಣ ಶಿವತ್ತಾಯ, ಸ್ವತ್ಛ ಭಾರತ್‌ ಅಭಿಯಾನದ ಜಿಲ್ಲಾ ಸಮಾಲೋಚಕ ಸುಧೀರ್‌, ಪಿಡಿಒಗಳಾದ ರಮಾನಂದ ಪುರಾಣಿಕ್‌, ಸಿದ್ದೇಶ್‌ ಮದುವೆಗೆ ಸಾಕ್ಷಿಯಾದರು.
ಅಭಿನಂದನಾ ಪತ್ರ : ಡಿಸಿಈ ವಿವಾಹ ಕಾರ್ಯಕ್ರಮಕ್ಕೆ ಕ್ಯಾಟರಿಂಗ್‌ ವ್ಯವಸ್ಥೆ ಮಾಡಿದ ಅಂಬಾಗಿಲಿನ ಎಕ್ಸಲೆಂಟ್‌ ಕ್ಯಾಟರರ್‌ನ ದೀಕ್ಷಿತ್‌ ಶೆಟ್ಟಿ ಅವರನ್ನು ಅಭಿನಂದಿಸಿದ ಡಿಸಿ, ಮುಂದೆ ಎಲ್ಲ ವಿವಾಹಗಳಲ್ಲಿಯೂ ಇದೇ ರೀತಿ ಪ್ಲಾಸ್ಟಿಕ್‌ ರಹಿತ, ಪರಿಸರಕ್ಕೆ ಪೂರಕವಾದ ವಸ್ತುಗಳನ್ನು ಬಳಸಿ ಆಹಾರ ಸರಬರಾಜು ಮಾಡುವಂತೆ ತಿಳಿಸಿದರು. ಜಿಲ್ಲೆಯಲ್ಲಿ ಹಸಿರು ಶಿಷ್ಟಾಚಾರ ಪಾಲಿಸಿ, ಪ್ಲಾಸ್ಟಿಕ್‌ ಬಳಕೆ ಮಾಡದೇ ವಿವಾಹವಾಗುವ ದಂಪತಿಗೆ, ಸಭಾಭವನಗಳ ಮುಖ್ಯಸ್ಥರು, ಆಹಾರ ತಯಾರಿಕೆ/ಸರಬರಾಜು ಮಾಡುವವರಿಗೆ ಜಿಲ್ಲಾಡಳಿದ ವತಿಯಿಂದ ಅಭಿನಂದನಾ ಪತ್ರ ನೀಡಲಾಗುವುದು ಎಂದು ಡಿಸಿ ಹೇಳಿದರು.