ಮಟ್ಟು : ಕಟಾವಿಗೆ ಸಿದ್ಧಗೊಂಡ ಮಟ್ಟುಗುಳ್ಳ ಗದ್ದೆಗಳು ಜಲಾವೃತ

ಕಟಪಾಡಿ: ಮಂಗಳವಾರದಂದು ಸುರಿದ ಭಾರೀ ಮಳೆ, ಬೀಸಿದ ಗಾಳಿಯ ಪರಿಣಾಮ ಮಟ್ಟುಗುಳ್ಳದ ಬೆಳೆಯುಳ್ಳ ಗದ್ದೆಗೆ ನೀರು ನುಗ್ಗಿದ್ದು ಬೆಳೆಹಾನಿ ಸಂಭವಿಸಿದೆ.

ಇದೀಗ ಫಸಲು ಕೊಯಿಲಿಗೆ ಸಿದ್ಧಗೊಂಡಿದ್ದು, ನಿರಂತರ ಫಸಲು ನೀಡುವ ಗಿಡಗಳನ್ನು ಹೊಂದಿರುವ ಗದ್ದೆಯು ಸಂಪೂರ್ಣ ಜಲಾವ್ರತವಾಗಿ ನೀರಿನಲ್ಲಿ ಮುಳುಗುವಂತಾಗಿದೆ. ಕೆಲವೆಡೆ ನಾಟಿಗೆ ಸಿದ್ಧಪಡಿಸಿದ ಗದ್ದೆಗಳಲ್ಲೂ ನೀರು ತುಂಬಿದ್ದು ಅಪಾರ ಪ್ರಮಾಣದ ನಷ್ಟವಾಗಿದೆ. ಕೆಲವೆಡೆ ನಾಟಿ ನಡೆಸಿದ ಗದ್ದೆಗಳು ಜಲಾವ್ರತಗೊಂಡಿದೆ.

ಸುಮಾರು ನೂರು ಎಕರೆಗೂ ಮಿಕ್ಕಿದ ಪ್ರದೇಶದಲ್ಲಿ ಕಳೆದ ಮೂರು ತಿಂಗಳ ನಿರಂತರ ಶ್ರಮದ ಫಲವಾಗಿ ಮಟ್ಟುಗುಳ್ಳ ಪ್ರಿಯರಿಗೆ ನವರಾತ್ರಿಯ ಸಡಗರಕ್ಕೆ ಮಟ್ಟುಗುಳ್ಳದ ರುಚಿಯನ್ನು ಸವಿಯುವಂತೆ ಮಾಡಿದ ಮಟ್ಟುಗುಳ್ಳ ಬೆಳೆಗಾರರು ಇದೀಗ ಬೆಳೆ ನಷ್ಟದಿಂದ ಕಂಗಾಲಾಗಿದ್ದಾರೆ.

ಇದನ್ನೂ ಓದಿ:ಅ.20ರಂದು ಮಹರ್ಷಿ ವಾಲ್ಮೀಕಿ ಜಯಂತಿ ಆಚರಣೆ: ಸಚಿವ  ಬಿ. ಶ್ರೀರಾಮುಲು

ಫ‌ಸಲು ಹಾನಿ
ಮತ್ತೆ ಗಿಡ ನಾಟಿ ಮಾಡಿ ಬೆಳೆ ತೆಗೆಯಬೇಕಾದ ಅನಿವಾರ್ಯತೆ ಇದೆ. ಕಟಾವಿಗೆ ನಿಂತ ಮಟ್ಟುಗುಳ್ಳದ ಫಸಲು ನಾಶಗೊಂಡಿದ್ದು ಅಪಾರ ನಷ್ಟ ಸಂಭವಿಸಿದೆ.
-ಸುನಿಲ್‌ ಡಿ. ಬಂಗೇರ, ಅಧ್ಯಕ್ಷರು, ಮಟ್ಟುಗುಳ್ಳ ಬೆಳೆಗಾರರ ಸಂಘ