ಉಡುಪಿ: ಸಾಲಿಗ್ರಾಮ ಬ್ಯಾಂಕ್ ಸಿಬ್ಬಂದಿಗೆ ಕೋವಿಡ್ ಪಾಸಿಟಿವ್

ಕೋಟ: ಸಾಲಿಗ್ರಾಮ ಕರ್ನಾಟಕ ಬ್ಯಾಂಕ್ ನ ಸಿಬ್ಬಂದಿಗೆ ಕೋವಿಡ್ ಪಾಸಿಟಿವ್ ಇರುವುದು ಮಂಗಳವಾರ ದೃಢಪಟ್ಟಿದೆ. ಹೀಗಾಗಿ ಬ್ಯಾಂಕ್ ಹಾಗೂ ಪಕ್ಕದಲ್ಲಿನ ಎಟಿಎಂ ಕೇಂದ್ರವನ್ನು ಕಂಟೋನ್ಮೆಂಟ್ ಝೋನ್ ಗೊಳಿಸಿ ಶೀಲ್ ಮಾಡಲಾಗಿದೆ. ಮುಂದಿನ ಎರಡು-ಮೂರು ದಿನಗಳ ಕಾಲ ಬ್ಯಾಂಕ್ ನ ಎಲ್ಲ ವ್ಯವಹಾರಗಳು ಸ್ಥಗಿತಗೊಳಿಸಲಾಗಿದೆ. ಸಿಬಂದಿಗೆ ಒಂದು ವಾರದಿಂದ ಅನಾರೋಗ್ಯವಿದ್ದು ಕೋವಿಡ್ ಪರೀಕ್ಷೆಗೊಳಗಾಗಿ ಮನೆಯಲ್ಲೇ ಕ್ವಾರಂಟೈನ್ ಲ್ಲಿದ್ದರು.

ಕೋಟ ಕಂದಾಯಾಧಿಕಾರಿ ರಾಜು ಹಾಗೂ ವಿ.ಎ. ಮಹೇಂದ್ರ ಆಚಾರ್ಯ, ಆರೋಗ್ಯ ಅಧಿಕಾರಿ ಮಮತಾ, ಎ.ಎಸ್.ಐ. ಮುಕ್ತಾ ಬಾಯಿ, ಪೊಲೀಸ್ ಕಾನ್ಸ್‌ಟೇಬಲ್ ಸತೀಶ್ ಮುಂತಾದವರು ಸ್ಥಳಕ್ಕಾಗಮಿಸಿ‌ ಮುನ್ನೆಚ್ಚರಿಕೆ ಕ್ರಮಗಳನ್ನು ಕೈಗೊಂಡಿದ್ದಾರೆ.