Udupi: ಕೂಲಿ ಕಾರ್ಮಿಕನ ಮೇಲೆ ಹಲ್ಲೆ; ಗಾಯ

ಉಡುಪಿ: ಪರಿಚಯಸ್ಥ ಇಬ್ಬರು ಕೂಲಿ ಕಾರ್ಮಿಕರ ನಡುವೆ ಮೊಬೈಲ್‌ ವಿಚಾರದಲ್ಲಿ ಜಗಳ ನಡೆದು ಹಲ್ಲೆ ಮಾಡಿರುವ ಘಟನೆ ನಡೆದಿದೆ.

ಚಿಕ್ಕಮಗಳೂರು ನಂದಿಬಟ್ಟಲು ತಾಂಡ್ಯಾ ನಿವಾಸಿ, ರವಿ ಎಂಬವರು ನಗರಕ್ಕೆ ಕೂಲಿ ಕೆಲಸಕ್ಕೆ ಬಂದಿದ್ದು, ಸಿಟಿ ಬಸ್‌ ನಿಲ್ದಾಣದ ಹತ್ತಿರದ ತಿರುಮಲ ಜುವೆಲರ್ ಎದುರು ಪರಿಚಯಸ್ಥ ಕೂಲಿ ಕಾರ್ಮಿಕ ಹನುಮಂತ ಎಂಬಾತನ ನಡುವೆ ಮೊಬೈಲ್‌ ವಿಚಾರವಾಗಿ ಮಾತಿಗೆ ಮಾತು ಬೆಳೆದು ಜಗಳವಾಗಿದೆ. ಈ ವೇಳೆ ರವಿಯ ತಲೆಗೆ ಹನುಮಂತ ಕಲ್ಲಿನಿಂದ ಹಲ್ಲೆ ನಡೆಸಿದ್ದಾನೆ. ನಗರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.