ಉಡುಪಿ: ಪ್ರದೇಶವಾರು ನೀರು ಪೂರೈಕೆ ಆರಂಭ

ಉಡುಪಿ: ನಿರಂತರ ಐದು ದಿನ ನೀರು ಪೂರೈಕೆ ಇಲ್ಲದೆ ಕಂಗೆಟ್ಟಿದ್ದ ಉಡುಪಿ ನಗರಸಭೆಯ ಒಂದೊಂದು ಪ್ರದೇಶಗಳಿಗೆ ಬುಧವಾರದಿಂದ ನೀರು ಪೂರೈಸಲಾಗುತ್ತಿದೆ.

ಬಜೆ ಡ್ಯಾಂನ ನೀರು ಪೂರ್ತಿ ಖಾಲಿಯಾಗಿರುವುದರಿಂದ ಹಳ್ಳಗಳಲ್ಲಿ ರುವ ನೀರನ್ನು ಮೇಲೆತ್ತಿ ಮುಖ್ಯ ಪಂಪ್‌ ಇರುವಲ್ಲಿಗೆ ಪೂರೈಸಲಾಗುತ್ತಿದೆ. ಅಲ್ಲಿಂದ ಶುದ್ಧೀಕರಿಸಿ ಓವರ್‌ಹೆಡ್‌ ಟ್ಯಾಂಕ್‌ಗಳಿಗೆ ತುಂಬಲಾಗುತ್ತಿದೆ.

ಬುಧವಾರ ಬೆಳಗ್ಗೆ ಮಲ್ಪೆಯ ವಿವಿಧ ಪ್ರದೇಶಗಳಿಗೆ ನೀರು ಒದಗಿಸಲಾಗಿದೆ. ಗುರುವಾರ ಬೆಳಗ್ಗೆ ಅಥವಾ ಅಪರಾಹ್ನ ಉಡುಪಿ, ಮಣಿಪಾಲ, ನಿಟ್ಟೂರು, ಸಂತೆಕಟ್ಟೆ, ಹನುಮಂತ ನಗರ, ರಾಜೀವ್‌ ನಗರ ಸುತ್ತಮುತ್ತಲಿನ ಪರಿಸರಕ್ಕೆ ನೀರು ಪೂರೈಸಲಾಗುತ್ತದೆ ಎಂದು ಪೌರಾಯುಕ್ತರು ತಿಳಿಸಿದ್ದಾರೆ.

ಮಂಗಳವಾರದಿಂದ ಮೂರು ಬೃಹತ್‌ ಪಂಪ್‌ಗ್ಳ ಮೂಲಕ ನೀರೆತ್ತಲಾಗುತ್ತಿದೆ. ಈ ನಡುವೆ ಒಂದು ಪಂಪ್‌ ಹಾಳಾಗಿದ್ದು, ಅದನ್ನು ದುರಸ್ತಿ ಮಾಡಲಾಗುತ್ತಿದೆ. ಗುರುವಾರ ಇನ್ನಷ್ಟು ಪ್ರದೇಶಗಳಿಗೆ ನೀರು ಒದಗಿಸಲಾಗುತ್ತದೆ. ನಗರ ಸಭೆಯ ಎಲ್ಲ ಅಧಿಕಾರಿಗಳು ಬಜೆ ಪರಿಸರದಲ್ಲಿಯೇ ಮೊಕ್ಕಾಂ ಹೂಡಿ ದ್ದೇವೆ ಎಂದು ಪೌರಾಯುಕ್ತ ಗಣೇಶ್‌ ಕೆ. ಅವರು ತಿಳಿಸಿದ್ದಾರೆ.