ಯುಎಇ ಕ್ರಿಕೆಟ್‌ ಕೋಚ್‌ ತಲೆದಂಡ

ದುಬಾೖ: ದುಬಾೖ ಮೂಲದ ಕ್ರಿಕೆಟ್‌ ಕೋಚ್‌ ಒಬ್ಬರು ಭ್ರಷ್ಟಾಚಾರ ಪ್ರಕರಣದಲ್ಲಿ ಸಿಲುಕಿ ಬಿದ್ದು ಐಸಿಸಿಯಿಂದ ಅಮಾನತಿಗೆ ಒಳಗಾಗಿದ್ದಾರೆ. ಅಮಾನತಿಗೆ ಒಳಗಾದ ಕೋಚ್‌ ಹೆಸರು ಇರ್ಫಾನ್‌ ಅನ್ಸಾರಿ.

ಅನ್ಸಾರಿ ಅವರು ಆಟಗಾರನೊಬ್ಬನ ಆಯ್ಕೆಗೆ ಹಣ ಕೊಡುವಂತೆ ಕೇಳಿದ್ದರು ಎಂದು ಕಳೆದ ಅಕ್ಟೋಬರ್‌ನಲ್ಲಿ ದೂರು ದಾಖಲಾಗಿತ್ತು. ಇದನ್ನು ಗಂಭೀರವಾಗಿ ಪರಿಗಣಿಸಿದ ಐಸಿಸಿ ವಿಚಾರಣಾ ಸಮಿತಿ ಅನ್ಸಾರಿ ಅವರನ್ನು ಅಮಾನತಿಗೊಳಪಡಿಸಿದೆ.