Advertisement

ಪ್ರೊ ಕಬಡ್ಡಿ: ಯು ಮುಂಬಾ ಹ್ಯಾಟ್ರಿಕ್‌ ಜಯ

10:41 PM Nov 02, 2022 | Team Udayavani |

ಪುಣೆ: ತೆಲುಗು ಟೈಟಾನ್ಸ್‌ ವಿರುದ್ಧ 40-37 ಅಂತರದ ಮೇಲುಗೈ ಸಾಧಿಸಿದ ಯು ಮುಂಬಾ ಪ್ರೊ ಕಬಡ್ಡಿ ಹ್ಯಾಟ್ರಿಕ್‌ ಗೆಲುವು ಸಾಧಿಸಿದೆ. ಆದರೆ ಬೆಂಗಾಲ್‌ ವಾರಿಯರ್-ತಮಿಳ್‌ ತಲೈವಾಸ್‌ ನಡುವಿನ ರೋಚಕ ಹಣಾಹಣಿ 41-41ರಿಂದ ಟೈ ಆಯಿತು.

Advertisement

ಮುಂಬಾದ ಈ ಗೆಲುವಿನಲ್ಲಿ ರೈಡರ್‌ ಆಶಿಷ್‌ ತಂದಿತ್ತ 12 ಅಂಕ, ಪ್ರಣಯ್‌ ರಾಯ್‌ ಅವರ 6 ಅಂಕಗಳು ನೆರವಿಗೆ ಬಂದವು. ತೆಲುಗು ಟೈಟಾನ್ಸ್‌ ಪರ ಸಿದ್ಧಾರ್ಥ ದೇಸಾಯಿ 18, ಪರ್ವೇಶ್‌ 8 ಅಂಕ ಗಳಿಸಿದರು.

ಪಂದ್ಯದ ಮೊದಲ 5 ನಿಮಿಷದಲ್ಲೇ ಮುಂಬಾ ಮುನ್ನಡೆ ಸಾಧಿಸಿತು. ಟೈಟಾನ್ಸ್‌ ಕಡೇ ಕ್ಷಣದಲ್ಲಿ ತಿರುಗಿ ಬಿತ್ತು. ಆದರೆ ಗೆಲುವು ದೂರವೇ ಉಳಿಯಿತು.

ಮಿಂಚಿದ ಮಣಿಂದರ್‌: ಬೆಂಗಾಲ್‌ ಪರ ರೈಡರ್‌ ಮಣಿಂದರ್‌ ಸಿಂಗ್‌ ಅತ್ಯಧಿಕ 19 ಅಂಕ, ಆಲ್‌ರೌಂಡರ್‌ ದೀಪಕ್‌ ಹೂಡಾ 11 ಅಂಕ ಗಳಿಸಿದರು. ತಮಿಳ್‌ ತಲೈವಾಸ್‌ ಎಂದಿನಂತೆ ರೈಡರ್‌ ನರೇಂದರ್‌ ಅವರನ್ನು ನೆಚ್ಚಿಕೊಂಡಿತು. ಅವರು 15 ಅಂಕ ಗಳಿಸಿ ಕೊಟ್ಟರು.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next