ಗಹನ ಚಿತ್ರಕ್ಕೆ ಯು/ಎ ಪ್ರಮಾಣ ಪತ್ರ

ಪ್ರೀತ್‌ ಹಾಸನ್‌ ನಿರ್ದೇಶನದ “ಗಹನ’ ಚಿತ್ರಕ್ಕೆ ಸೆನ್ಸಾರ್‌ ಮಂಡಳಿಯಿಂದ ಯು/ಎ ಪ್ರಮಾಣ ಪತ್ರ ಸಿಕ್ಕಿದೆ. ಓಂ ಶ್ರೀ ಸಾಯಿರಾಂ ಫಿಲ್ಮ್ಸ್ ಬ್ಯಾನರ್‌ನಲ್ಲಿ ಆರ್‌. ಶ್ರೀನಿವಾಸ್‌ (ಸ್ಟಿಲ್‌ಸೀನು) ಚಿತ್ರದ ನಿರ್ಮಾಣ ಮಾಡಿದ್ದಾರೆ. “ಗಹನ’ ಒಂದು ಸೈಕಲಾಜಿಕಲ್‌ ಥ್ರಿಲ್ಲರ್‌ ಕಥಾವಸ್ತು.

ಈ ಚಿತ್ರವನ್ನು ವೀಕ್ಷಿಸಿದ ಸೆನ್ಸಾರ್‌ ಮಂಡಳಿ ಯಾವುದೇ ಕಟ್‌ ಹೇಳದೆ, ಯು/ಎ ಪ್ರಮಾಣ ಪತ್ರ ನೀಡಿದೆ. ಚಿತ್ರ ಜನವರಿಯಲ್ಲಿ ಬಿಡುಗಡೆಯಾಗಲಿದೆ. ನಿರ್ದೇಶಕ ಪ್ರೀತ್‌ ಹಾಸನ್‌ ಅವರೇ ಚಿತ್ರಕ್ಕೆ ಕಥೆ ಚಿತ್ರಕಥೆ ಸಂಭಾಷಣೆ ಬರೆದಿದ್ದಾರೆ. ಅವರಿಗೆ ಸಹ ನಿರ್ದೇಶಕರಾಗಿ ಚಂದ್ರ ಅಂತ, ಕೆಲಸ ಮಾಡಿದರೆ, ಶ್ರೀನಿವಾಸ್‌ ಅವರ ಛಾಯಾಗ್ರಹಣವಿದೆ.

ಮಹೇಶ್‌ ಭಾರಧ್ವಜ್‌ ಹಿನ್ನೆಲೆ ಸಂಗೀತವಿದೆ. ರಾಜೀವ್‌ ಸಂಕಲನವಿದೆ. ಜಯ್‌ ವಿಶ್ವಮಣಿ ಸಾಹಿತ್ಯವಿದೆ.  ಚಿತ್ರದಲ್ಲಿ ಆದಿತ್ಯಶೆಟ್ಟಿ, ಶರಣ್ಯಗೌಡ, ರಂಜಿನಿ, ಶಿವು ಇಂಚರ ಭೀಮಯ್ಯ, ಸ್ವಾತಿ ಶಿವಮೊಗ್ಗ, ಸುನೀಲ್‌ ಗೌಡ, ಸುಭಾಷ್‌ಚಂದ್ರ, ಸ್ವಾತಿ ಕೊಡಗು, ಚಂದ್ರು, ಮುಂತಾದವರು ನಟಿಸಿದ್ದಾರೆ.