Advertisement
ಇದನ್ನೇ ಹೋಲುವ ರೀತಿಯಲ್ಲಿ ಕಿರಿಯರ ತಂಡದ ವಿಕೆಟ್‌ ಕೀಪರ್‌ ದಿನೇಶ್ ಬಾನಾ ಸಿಕ್ಸರ್‌ ಬಾರಿಸುವ ಮೂಲಕವೇ ಭಾರತಕ್ಕೆ ಅಂಡರ್‌-19 ವಿಶ್ವಕಪ್ ಗೆಲುವು ತಂದಿತ್ತಿರುವುದು ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಸುದ್ದಿಯಾಗಿದೆ.
Related Articles
Advertisement
48ನೇ ಓವರ್‌ನಲ್ಲಿ ನಿಶಾಂತ್‌ ಸಿಂಧು ಅರ್ಧ ಶತಕ ಪೂರೈಸಿದ ಬಳಿಕ ದಿನೇಶ್ ಬಾನಾಗೆ ಸ್ಟ್ರೈಕ್‌ ಲಭಿಸಿತು. ಅವರು ಬೆನ್ನು ಬೆನ್ನಿಗೆ ಎರಡು ಸಿಕ್ಸರ್‌ ಬಾರಿಸಿ ಭಾರತದ ಗೆಲುವನ್ನು ಸಾರಿದರು. ಮೊದಲ ಎಸೆತವನ್ನು ಲಾಂಗ್‌ ಲೆಗ್‌ ಮೂಲಕ ಬಡಿದಟ್ಟಿದರು. ಅಲ್ಲಿಗೆ ಸ್ಕೋರ್‌ ಸಮನಾಯಿತು.
ದಿನೇಶ್ ಬಾನಾ ಮುಂದಿನ ಎಸೆತದಲ್ಲಿ ಸಿಂಗಲ್‌ ತೆಗೆದರೆ ಸಾಕಿತ್ತು. ಆದರೆ ಆ ಫುಲ್‌ಟಾಸ್‌ ಎಸೆತವನ್ನು ಬಾನಾ ಲಾಫ್ಟ್‌ ಮಾಡಿ ಆಕಾಶಕ್ಕೆ ಎತ್ತಿದರು!
ಆಸ್ಟ್ರೇಲಿಯ ವಿರುದ್ಧದ ಮಹತ್ವದ ಸೆಮಿಫೈನಲ್‌ ಪಂದ್ಯದಲ್ಲೂ ದಿನೇಶ್ ಬಾನಾ ಅಬ್ಬರಿಸಿದ್ದರು. ಕೇವಲ 4 ಎಸೆತ ಗಳಲ್ಲಿ ಅಜೇಯ 20 ರನ್‌ ಬಾರಿಸಿದ್ದು ನೆನಪಿರಬಹುದು. ಅವರು ಈ ಅಬ್ಬರದ ಬ್ಯಾಟಿಂಗ್‌ ವೇಳೆ 2 ಸಿಕ್ಸರ್‌ ಹಾಗೂ 2 ಫೋರ್‌ ಸಿಡಿಸಿದ್ದರು!