ಅಂಡರ್‌ – 17 ವಿಶ್ವಕಪ್‌: ಭಾರತಕ್ಕೆ ಇಂದು ಅಮೆರಿಕ ಸವಾಲು

ಭುವನೇಶ್ವರ: ಈ ಕೂಟದ ಸಾಧಾರಣ ತಂಡವಾಗಿರುವ ಭಾರತವು ವನಿತೆಯರ ಅಂಡರ್‌-17 ಫಿಫಾ ವಿಶ್ವಕಪ್‌ ಕೂಟದ ಮಂಗಳವಾರ ನಡೆಯುವ ಮೊದಲ ಪಂದ್ಯದಲ್ಲಿ ಬಲಿಷ್ಠ ಅಮೆರಿಕ ತಂಡವನ್ನು ಎದುರಿಸಲಿದೆ.

ಈ ಬೃಹತ್‌ ಕೂಟದ ಆತಿಥ್ಯ ವಹಿಸಿದ ಹಿನ್ನೆಲೆಯಲ್ಲಿ ಭಾರತಕ್ಕೆ ನೇರ ಪ್ರವೇಶ ನೀಡಲಾಗಿದೆ. ಭಾರತ ಸಹಿತ ಮೂರು ತಂಡಗಳು ಇದೇ ಮೊದಲ ಬಾರಿ ಈ ಕೂಟದಲ್ಲಿ ಭಾಗವಹಿಸುತ್ತಿವೆ.

“ಎ’ ಬಣದಲ್ಲಿರುವ ಮೊರೊಕ್ಕೊ ಮತ್ತು “ಡಿ’ ಬಣದಲ್ಲಿರುವ ತಾಂಜಾನಿಯ ಪದಾರ್ಪಣೆಗೈಯುತ್ತಿರುವ ಇನ್ನೆರಡು ತಂಡಗಳಾಗಿವೆ.