ಟಿಡಿಪಿಯ ಉನ್ನತ ನಾಯಕರಿಬ್ಬರು ವೈಆಸ್‌ಆರ್‌ ಕಾಂಗ್ರೆಸ್‌ಗೆ

ಹೈದರಾಬಾದ್‌ : ಲೋಕಸಭಾ ಚುನಾವಣೆ ಮತ್ತು ರಾಜ್ಯ ವಿಧಾನಸಭಾ ಚುನಾವಣೆಗೆ ಇನ್ನು ಕೆಲವೇ ವಾರಗಳಿರುವಂತೆಯೇ ತೆಲುಗು ದೇಶಂ ಪಕ್ಷದ (ಟಿಡಿಪಿ) ಇಬ್ಬರು ಉನ್ನತ ನಾಯಕರಾಗಿರುವ ಮಾಜಿ ಶಾಸಕಿ ಪೀತಪುರಂ ವಂಗ ಗೀತಾ ಮತ್ತು ಹಿರಿಯ ನಾಯಕ ಅಡಾಲ ಪ್ರಭಾಕರ ರೆಡ್ಡಿ ಅವರು ವೈಎಸ್‌ಆರ್‌ ಕಾಂಗ್ರೆಸ್‌ ಪಕ್ಷ ಸೇರಿದ್ದಾರೆ. 

ವೈಎಸ್‌ಆರ್‌ ಕಾಂಗ್ರೆಸ್‌ ಪಕ್ಷದಿಂದ ತಮಗೆ ಚುನಾವಣೆಗೆ ಸ್ಪರ್ಧಿಸಲು ಟಿಕೆಟ್‌ ಸಿಗುವುದೆಂಬ ಕಾರಣಕ್ಕೆ ಇವರು ಟಿಡಿಪಿ ತೊರೆದಿದ್ದಾರೆ ಎಂದು ಮಾಧ್ಯಮ ವರದಿಗಳು ಹೇಳಿವೆ. 

ಈಗಾಗಲೇ ದುರ್ಗಮ ರಾಜಕೀಯ ಮಾರ್ಗದಲ್ಲಿ ಸಾಗುತ್ತಿರುವ ಟಿಡಿಪಿಗೆ ಈ ಇಬ್ಬರು ನಾಯಕರ ನಿರ್ಗಮನದಿಂದ ಭಾರೀ ಹೊಡೆತ ಉಂಟಾಗಿದೆ ಎಂದು ತಿಳಿಯಲಾಗಿದೆ.