ಹಳಿ ದಾಟುತ್ತಿದ್ದ ತಾಯಿ-ಮಗಳ ಮೇಲೆ ರೈಲು ಹರಿದು ದಾರುಣ ಸಾವು

ಹೌಡಾ : ಇಲ್ಲಿನ ಬಲ್ಲಿ ರೈಲು ನಿಲ್ದಾಣ ಸಮೀಪ ರೈಲು ಹಳಿಯನ್ನು ದಾಟುತ್ತಿದ್ದ ಓರ್ವ ಮಹಿಳೆ ಮತ್ತು ಆಕೆಯ 7 ವರ್ಷ ಪ್ರಾಯ ಮಗಳ ಮೇಲೆ ವೇಗವಾಗಿ ಧಾವಿಸಿ ಬಂದು ರೈಲು ಹರಿದು ಅವರಿಬ್ಬರೂ ದಾರುಣವಾಗಿ  ಮೃತಪಟ್ಟ ಘಟನೆ ವರದಿಯಾಗಿದೆ.

32 ವರ್ಷ ಪ್ರಾಯದ ಮಹಿಳೆ ಮತ್ತು ಆಕೆಯ ಮಗಳ ಮೇಲೆ ಗೋಘಾಟ್‌ ರೈಲು ಹರಿಯಿತು. ಸ್ಥಳದಲ್ಲೇ ಮೃತಪಟ್ಟಿರುವ ತಾಯಿ – ಮಗಳ ದೇಹ ಛಿದ್ರ ಛಿದ್ರವಾಗಿರುವುದರಿಂದ ಅವರನ್ನು ಗುರುತಿಸಲು ಸಾಧ್ಯವಾಗಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ. ಮೃತ ದೇಹಗಳನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ.