ಛತ್ತೀಸ್‌ಗಢ: ಎನ್‌ಕೌಂಟರ್‌ಗೆ ಇಬ್ಬರು ನಕ್ಸಲರು, ಮಹಿಳೆ ಬಲಿ

ರಾಯ್‌ಪುರ : ಛತ್ತೀಸ್‌ಗಢದ ಬಿಜಾಪುರ ಜಿಲ್ಲೆಯ ದಟ್ಟಾರಣ್ಯದಲ್ಲಿ ಭದ್ರತಾ ಪಡೆಗಳು ನಡೆಸಿದ ಎನ್‌ಕೌಂಟರ್‌ನಲ್ಲಿ ಇಬ್ಬರು ನಕ್ಸಲ್‌ಗ‌ಳು ಮತ್ತು ಓರ್ವ ಮಹಿಳೆ ಮೃತಪಟ್ಟಿರುವುದಾಗಿ ವರದಿಯಾಗಿದೆ. 

ಜಂಟಿ ಭದ್ರತಾ ಪಡೆ ಮುದುವಂಡಿ – ಕವಾದ್‌ಗಾಂವ್‌ ಅರಣ್ಯದಲ್ಲಿ ಇಂದು ಬೆಳಗ್ಗೆ 7.30ರ ಹೊತ್ತಿಗೆ ಮಾವೋ ನಿಗ್ರಹ ಕಾರ್ಯಾಚರಣೆ ನಡೆಸಿತೆಂದು ದಕ್ಷಿಣ ಬಸ್ತಾರ್‌ ವಲಯದ ಡಿಐಜಿ ಸುಂದರ್‌ ರಾಜ್‌ ಪಿ ತಿಳಿಸಿದ್ದಾರೆ. 

ಶೋಧ ಕಾರ್ಯಾಚರಣೆಯಲ್ಲಿ ನಿರತವಾಗಿದ್ದ ಜಂಟಿ ಕಾರ್ಯ ಪಡೆಯ ಮೇಲೆ ನಕ್ಸಲರು ಇದ್ದಕ್ಕಿದ್ದಂತೆಯೇ ಗುಂಡಿನ ದಾಳಿ ನಡೆಸಿದರು. ಪರಿಣಾವಾಗಿ ಉಭಯತರ ನಡುವೆ ಗುಂಡಿನ ಕಾಳಗ ಏರ್ಪಟ್ಟಿತು. ಇಬ್ಬರು ನಕ್ಸಲರು ಮತ್ತು ಓರ್ವ ಮಹಿಳೆ ಗುಂಡಿಗೆ ಬಲಿಯಾದಾಗ ಉಳಿದ ನಕ್ಸಲರು ಸ್ಥಳದಿಂದ ಪರಾರಿಯಾದರು ಎಂದು ಡಿಐಜಿ ತಿಳಿಸಿದ್ದಾರೆ.