ಎರಡನೇ ದಿನವೂ 2 ವಿಮಾನ

ಮಂಗಳೂರು: ದೇಶೀಯ ವಿಮಾನಯಾನ ಆರಂಭವಾದ ಬಳಿಕ ಮಂಗಳವಾರ ಕೂಡ ಎರಡು ವಿಮಾನ ಮಾತ್ರ ಮಂಗಳೂರಿಗೆ ಆಗಮಿಸಿದ್ದವು.

ಮಂಗಳವಾರ ಬೆಳಗ್ಗೆ 10ಕ್ಕೆ ಬೆಂಗಳೂರಿನಿಂದ ಆಗಮಿಸಿದ ಸ್ಪೈಸ್‌ಜೆಟ್‌ ವಿಮಾನದಲ್ಲಿ ಕೇವಲ ನಾಲ್ವರು ಪ್ರಯಾಣಿಕರಿದ್ದರು.

ಅದೇ ವಿಮಾನದಲ್ಲಿ 12 ಮಂದಿ ಬೆಂಗಳೂರಿಗೆ ತೆರಳಿದರು. ಸಂಜೆ 6.30ಕ್ಕೆ ಇಂಡಿಗೋ ವಿಮಾನ ಮಂಗಳೂರಿಗೆ ಆಗಮಿಸಿದ್ದು, 15 ಪ್ರಯಾಣಿಕರು ಇದ್ದರು.

ಅವರಲ್ಲಿ ಹೈರಿಸ್ಕ್ ರಾಜ್ಯಗಳಿಂದ ಆಗಮಿಸಿದ 4 ಜನರನ್ನು ದ.ಕ. ಜಿಲ್ಲಾಡಳಿತದ ಕ್ವಾರಂಟೈನ್‌ಗೆ ಒಳಪಡಿಸಲಾಗಿದೆ. ಉಳಿದ ಪ್ರಯಾಣಿಕರು ಹೋಂ ಕ್ವಾರಂಟೈನ್‌ನಲ್ಲಿ ಇರಲಿದ್ದಾರೆ. 25 ಮಂದಿ ಬೆಂಗಳೂರಿಗೆ ತೆರಳಿದ್ದಾರೆ.
ಮುಂಬಯಿಗೆ ವಿಮಾನ ತೀರ್ಮಾನವಾಗಿಲ್ಲ

ಬುಧವಾರವೂ ಮಂಗಳೂರಿಗೆ ಬೆಂಗಳೂರಿನಿಂದ ಸ್ಪೈಸ್‌ಜೆಟ್‌ ಹಾಗೂ ಇಂಡಿಗೋ ವಿಮಾನ ರಾತ್ರಿ ಆಗಮಿಸಲಿದೆ. ಇದರ ಜತೆಗೆ, ಚೆನ್ನೈಯಿಂದ ಇಂಡಿಗೋ ವಿಮಾನ ಕೂಡ ರಾತ್ರಿ 7.30ಕ್ಕೆ ಮಂಗಳೂರಿಗೆ ಆಗಮಿಸಿ, 8 ಗಂಟೆಗೆ ತೆರಳುವ ಸಾಧ್ಯತೆಯಿದೆ. ಮುಂಬಯಿಗೆ ವಿಮಾನ ಸಂಚಾರದ ಬಗ್ಗೆ ಇನ್ನೂ ಅಂತಿಮ ತೀರ್ಮಾನವಾಗಿಲ್ಲ ಎಂದು ಮೂಲಗಳು ತಿಳಿಸಿವೆ.