ಕಾಶ್ಮೀರ ಎನ್‌ಕೌಂಟರ್‌: ಇಬ್ಬರು ಉಗ್ರರು, ಓರ್ವ ಪೊಲೀಸ್‌ ಸಾವು

ಶ್ರೀನಗರ : ಜಮ್ಮು ಕಾಶ್ಮೀರದ ಅನಂತನಾಗ್‌ ಜಿಲ್ಲೆಯಲ್ಲಿ ಇಂದು ಶುಕ್ರವಾರ ಭದ್ರತಾ ಪಡೆಗಳ ಮತ್ತು ಉಗ್ರರೊಳಗೆ ನಡೆದ ಗುಂಡಿನ ಕಾಳಗದಲ್ಲಿ ಇಬ್ಬರು ಉಗ್ರರು ಮತ್ತು ಓರ್ವ ಪೊಲೀಸ್‌ ಸಿಬಂದಿ ಹತರಾಗಿ ಅನೇಕ ಪೌರರು ಗಾಯಗೊಂಡರು.

ಹತರಾಗಿರುವ ಇಬ್ಬರು ಉಗ್ರರು ಇಸ್ಲಾಮಿಕ್‌ ಸ್ಟೇಟ್‌ ಜಮ್ಮು ಆ್ಯಂಡ್‌ ಕಾಶ್ಮೀರ್‌ (ಐಎಸ್‌ಜೆಕೆ) ಉಗ್ರ ಸಂಘಟನೆಯವರೆಂದು ವರದಿಯಾಗಿದೆ.

ಖೀರಾಮ್‌ ಶ್ರೀಗುಫಾರಾ ದಲ್ಲಿ ನಡೆದಿರುವ ಎನ್‌ಕೌಂಟರ್‌ನಲ್ಲಿ ಇಬ್ಬರು ಉಗ್ರರು ಹತರಾಗಿದ್ದಾರೆ; ದುರದೃಷ್ಟಕರವಾಗಿ ನಮ್ಮ ಒಬ್ಬ ಸಹೋದ್ಯೋಗಿ, ಜಮ್ಮು ಕಾಶ್ಮೀರ ಪೊಲೀಸ್‌, ಅವರನ್ನು ನಾವು ಕಳೆದುಕೊಂಡಿದ್ದೇವೆ’ ಎಂದು ಡಿಐಜಿ ಎಸ್‌ ಪಿ ವೇದ್‌ ಅವರು ಟ್ವಿಟರ್‌ನಲ್ಲಿ ಬರೆದಿದ್ದಾರೆ.

ಇನ್ನೊಂದು ಟ್ವೀಟ್‌ನಲ್ಲಿ ಅವರು “ಹತ ಉಗ್ರರು ಐಎಸ್‌ಜೆಕೆ ಸಂಘಟನೆಗೆ ಸೇರಿದವರು’ ಎಂದು ಬರೆದಿದ್ದಾರೆ.