ಬದ್ಗಾಮ್‌ ಸೇನಾ ಕಾರ್ಯಾಚರಣೆ : ಗುಂಡಿನ ಕಾಳಗದಲ್ಲಿ ಉಗ್ರರಿಬ್ಬರ ಹತ್ಯೆ

 ಶ್ರೀನಗರ : ಬದ್ಗಾಮ್‌ನ ಹಯತ್‌ಪೋರಾ ಎಂಬಲ್ಲಿ ಶನಿವಾರ ಸಂಜೆ ಸೇನಾ ಪಡೆಗಳ ಮೇಲೆ ಗುಂಡಿನ ದಾಳಿ ನಡೆಸಿದ ಉಗ್ರರಿಬ್ಬರನ್ನು ಹತ್ಯೆಗೈಯಲಾಗಿದೆ. 

53 ನೇ ರಾಷ್ಟ್ರೀಯ ರೈಫ‌ಲ್ಸ್‌ ಪಡೆಗಳನ್ನು ಗುರಿಯಾಗಿರಿಸಿಕೊಂಡು ಉಗ್ರರು ದಾಳಿ ನಡೆಸಿ ಅಡಗಿದ್ದು ಈ ವೇಳೆ ಭಾರೀ ಕಾರ್ಯಾಚರಣೆಗಿಳಿದ ಯೊಈಧರು ಇಬ್ಬರನ್ನೂ ಹತ್ಯೆಗೈಯುವಲ್ಲಿ ಯಶಸ್ವಿಯಾಗಿದ್ದಾರೆ. 

ಹತರ ಪೈಕಿ ಓರ್ವ ಯೂನಿಸ್‌ ಮಕ್‌ಬೂಲ್‌ ಘನಾಯಿ ಎಂದು ತಿಳಿದು ಬಂದಿದ್ದು, ಇನ್ನೋರ್ವನ ಗುರುತು ಇನ್ನಷ್ಟೆ ಪತ್ತೆಯಾಗಬೇಕಿದೆ.