ವ್ಯಕ್ತಿಯೊಬ್ಬರಿಗೆ ಕುಡಿತದ ಮತ್ತಿನಲ್ಲಿ ಇಬ್ಬರಿಂದ ಹಲ್ಲೆ 

ಉಡುಪಿ: ಕ್ಷುಲ್ಲಕ ಕಾರಣಕ್ಕೆ ವ್ಯಕ್ತಿಯೊಬ್ಬರಿಗೆ ಕುಡಿತದ ಮತ್ತಿನಲ್ಲಿ ಇಬ್ಬರು ಹಲ್ಲೆ ನಡೆಸಿದ ಘಟನೆ ಉಡುಪಿಯ ಸಿಟಿ ಬಸ್‌ ನಿಲ್ದಾಣ ಎದುರು ರವಿವಾರ ಸಂಜೆ ಸಂಭವಿಸಿದೆ. 

ಹನುಮಂತ ಗಾಯಗೊಂಡವರು. ವ್ಯಕ್ತಿಯನ್ನು ಅಜ್ಜರಕಾಡಿನ ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದೆ. 
ಹಲ್ಲೆಗೊಳಗಾದವರು ಹಾಗೂ ಹಲ್ಲೆಗೈದವರು ಇಬ್ಬರು ಕುಡಿದಿದ್ದರು ಎಂದು ತಿಳಿದು ಬಂದಿದೆ. ಆದರೆ ಆ ವ್ಯಕ್ತಿ ಇವರು ಹಲ್ಲೆ ನಡೆಸಿದ್ದಾರೆಯೇ ಅಥವಾ ಬಿದ್ದು ಗಾಯಗೊಂಡಿದ್ದ ರೇ ಅನ್ನುವುದು ಇನ್ನೂ ನಿಖರವಾಗಿ ತಿಳಿದು ಬಂದಿಲ್ಲ. 
ಹಲ್ಲೆಗೈದ ಇಬ್ಬರನ್ನು ಉಡುಪಿ ನಗರ  ಠಾಣೆಯ  ಪೊಲೀಸರು ವಶಕ್ಕೆ ಪಡೆದು ವಿಚಾರಣೆ ನಡೆಸಿದ್ದಾರೆ.