ತಮಿಳುನಾಡು ಪಟಾಕಿ ಘಟಕದಲ್ಲಿ ಸ್ಫೋಟ; ಇಬ್ಬರ ಸಾವು; ಮಾಲಕ ಸೆರೆ

ತಂಜಾವೂರು, ತಮಿಳು ನಾಡು : ಲೈಸನ್ಸ್‌ ಇಲ್ಲದೆ ಕಾರ್ಯಾಚರಿಸುತ್ತಿದ್ದ ಇಲ್ಲಿನ ಪಟಾಕಿ ಕಾರ್ಖಾನೆಯೊಂದರಲ್ಲಿ ಸಂಭವಿಸಿದ ಸ್ಫೋಟದಲ್ಲಿ ಇಬ್ಬರು ಕಾರ್ಮಿಕರು ಮೃತಪಟ್ಟು ಇನ್ನೊಬ್ಟಾತ ಗಂಭೀರವಾಗಿ ಗಾಯಗೊಂಡ ಘಟನೆ ಇಂದು ತಮಿಳುನಾಡಿನ ತಂಜಾವೂರಿನ ರಾರಾಮುಥಿರಕೋಟೈ ಎಂಬಲ್ಲಿ ನಡೆದಿದೆ.

ದೇವಸ್ಥಾನ ಉತ್ಸವಗಳಿಗೆಂದು ಸಿದ್ಧಪಡಿಸಲಾಗುತ್ತಿದ್ದ ಪಟಾಕಿಗಳಿಗೆ ಕಾರ್ಮಿಕರು ರಾಸಾಯನಿಕಗಳನ್ನು ತುಂಬುವ ಹೊತ್ತಿಗೆ ಸ್ಫೋಟ ನಡೆದಿದೆ. 55 ಮತ್ತು 32 ವರ್ಷ ಪ್ರಾಯದ ಇಬ್ಬರು ಕಾರ್ಮಿಕರು ಮೃತಪಟ್ಟವರು; ಗಂಭೀರವಾಗಿ ಗಾಯಗೊಂಡ 45 ವರ್ಷ ಪ್ರಾಯದ ಓರ್ವ ಕಾರ್ಮಿಕನನ್ನು ಆಸ್ಪತ್ರೆಗೆ ಸೇರಿಸಲಾಗಿದೆ. 

ಕಾರ್ಖಾನೆ ಮಾಲಕನನ್ನು ಬಂಧಿಸಲಾಗಿದೆ. ತೆರೆದ ಸ್ಥಳಾವಕಾಶದಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದ ಈ ಪಟಾಕಿ ಘಟಕಕ್ಕೆ ಲೈಸನ್ಸ್‌ ಇರಲಿಲ್ಲ.