Advertisement
ಇದೇ ಮೊದಲ ಬಾರಿಗೆ ನಿಯಂತ್ರಿತ ಸ್ಫೋಟಕ (ಕಂಟ್ರೋಲ್ಡ್‌ ಎಕ್ಸ್‌ಪ್ಲೋಸಿವ್ಸ್‌) ಬಳಸಿ ಬೆಳಗ್ಗೆ 11:18ಕ್ಕೆ ಸರಿಯಾಗಿ ಹೋಲಿ ಫೈತ್‌ ಎಚ್‌ಟುಒ ಕಟ್ಟಡವನ್ನು ಧರೆಗುರುಳಿಸಲಾಯಿತು. ಆನಂತರ, 11:46ಕ್ಕೆ ಅಲ್ಫಾ ಸೆರೆನ್ಸ್‌ನ ಎರಡು ವಸತಿ ಸಮುತ್ಛಯಗಳನ್ನು ನೆಲಕ್ಕುರುಳಿಸಲಾಯಿತು.
ಈ ಕಟ್ಟಡಗಳ ನೆಲಸಮಕ್ಕೆ ನಿಯಂತ್ರಿತ ಸ್ಫೋಟಕಗಳನ್ನು (ಕಂಟ್ರೋಲ್ಡ್‌ ಎಕ್ಸ್‌ಪ್ಲೋಸಿವ್‌) ಬಳಸಲಾಗಿದೆ. ಸಾಮಾನ್ಯ ಸ್ಫೋಟಕಗಳನ್ನು ಸಿಡಿಸಿದಾಗ ಕಟ್ಟಡದ ಅವಶೇಷಗಳು ಸುತ್ತಲಿನ ಪ್ರಾಂತ್ಯದಲ್ಲೆಲ್ಲಾ ಸಿಡಿಯುತ್ತವೆ. ಆದರೆ, ಈ ಬಗೆಯ ಸ್ಫೋಟಕಗಳಿಂದ ಕಟ್ಟಡಗಳನ್ನು ಸ್ಫೋಟಿಸಿದಾಗ ಕಟ್ಟಡವು ತನ್ನ ವ್ಯಾಪ್ತಿಯಲ್ಲಿಯೇ ಒಳಮುಖವಾಗಿ ಉರುಳುತ್ತದೆ. ಹಾಗಾಗಿ, ಶನಿವಾರ ನಡೆದ ಎರಡು ಕಟ್ಟಡಗಳ ನೆಲಸಮಕ್ಕೆ ನಿಯಂತ್ರಿತ ಸ್ಫೋಟಕಗಳನ್ನೇ ಬಳಸಲಾಗಿತ್ತು.
Related Articles
– ಎಡಿಫಿಸ್‌ ಇಂಜಿನಿಯರಿಂಗ್‌ ಸಂಸ್ಥೆ (ಮುಂಬೈ): ಎಚ್‌ಟುಒ ಹೋಲಿ ಫೇಯ್‌¤, ಜೈನ್ಸ್‌ ಕೋರಲ್‌ ಕೋವ್‌ ಮತ್ತು ಗೋಲ್ಡನ್‌ ಕೋವಲಂ ಕಟ್ಟಡಗಳ ನೆಲಸಮದ ಜವಾಬ್ದಾರಿ.
– ವಿಜಯ್‌ ಸ್ಟೀಲ್ಸ್‌ ಆ್ಯಂಡ್‌ ಎಕ್ಸ್‌ಪ್ಲೋಸಿವ್ಸ್‌ (ತಮಿಳುನಾಡು): ಆಲ್ಫಾ ಸೆರೆನ್‌ನ ಅವಳಿ ಕಟ್ಟಡ ನೆಲಸಮ ಹೊಣೆ.
Advertisement
ಇಂದು ಇನ್ನೆರಡು ಕಟ್ಟಡ ನೆಲಕ್ಕೆಕೊಚ್ಚಿಯ ನೈಸರ್ಗಿಕ ಹೆಗ್ಗುರುತುಗಳಲ್ಲೊಂದಾದ ವೆಂಬನಾಡ್‌ ಕೆರೆಗೆ ತೀರಾ ಸಮೀಪದಲ್ಲಿ ಈ ಕಟ್ಟಡಗಳನ್ನು ನಿರ್ಮಿಸಿರುವ ಕಾರಣಕ್ಕಾಗಿ, ಹೋಲಿ ಫೇಯ್‌¤ ಎಚ್‌ಟುಒ ಹಾಗೂ ಅಲ್ಫಾ ಸೆರೆನ್‌ ಅಪಾರ್ಟ್‌ಮೆಂಟ್‌, ಜೈನ್‌ ಕೋರಲ್‌ ಕೋವ್‌ ಹಾಗೂ ಗೋಲ್ಡನ್‌ ಕಾಯಲೋರಮ್‌ ಅಪಾರ್ಟ್‌ಮೆಂಟ್‌ಗಳನ್ನು ಕೆಡವಲು ಸುಪ್ರೀಂ ಕೋರ್ಟ್‌, 2019ರ ಜುಲೈನಲ್ಲಿ ಆದೇಶ ನೀಡಿ, 138 ದಿನಗಳ ಗಡುವನ್ನೂ ನೀಡಿತ್ತು. ಹಾಗಾಗಿ, ಹೋಲಿ ಫೇಯ್‌, ಆಲ್ಫಾ ಸೆರೆನ್‌ ಕಟ್ಟಡಗಳನ್ನು ಶನಿವಾರ ಕೆಡವಲಾಗಿದೆ. ಜೈನ್‌ ಕೋರಲ್‌ಕೋವ್‌, ಗೋಲ್ಡನ್‌ ಕಾಯಲೋರಮ್‌ ಕಟ್ಟಡಗಳನ್ನು ಭಾನುವಾರ ನೆಲಸಮಗೊಳಿಸಲಾಗುತ್ತದೆ. ಈ ನಾಲ್ಕೂ ಅಪಾರ್ಟ್‌ಮೆಂಟ್‌ನಲ್ಲಿ ವಾಸವಾಗಿದ್ದ ಕುಟುಂಬಗಳಿಗೆ ಸುಪ್ರೀಂ ಕೋರ್ಟ್‌ ಆದೇಶದ ಮೇರೆಗೆ ತಲಾ 25 ಲಕ್ಷ ರೂ.ಗಳನ್ನು ಮಧ್ಯಂತರ ಪರಿಹಾರವನ್ನಾಗಿ ನೀಡಲಾಗಿದೆ.