ಕಂಟೆಂಟ್‌ ಮಾಡರೇಷನ್‌ ಕೌನ್ಸಿಲ್‌ ಸ್ಥಾಪನೆ: ಎಲಾನ್‌ ಮಸ್ಕ್

ನ್ಯೂಯಾರ್ಕ್‌: ಟ್ವಿಟರ್‌ಗೆ ಕಂಟೆಂಟ್‌ ಮಾಡರೇಷನ್‌ ಕೌನ್ಸಿಲ್‌ ಸ್ಥಾಪಿಸಲಾಗುವುದು. ಈ ಮಂಡಳಿಯು ಪ್ರಮುಖ ಕಂಟೆಂಟ್‌ಗಳು ಮತ್ತು ಖಾತೆ ಮರುಸ್ಥಾಪನೆಗೆ ಸಂಬಂಧಿಸಿದ ನಿರ್ಧಾರಗಳನ್ನು ಕೈಗೊಳ್ಳಲಿದೆ ಎಂದು ಕಂಪನಿಯ ನೂತನ ಮಾಲೀಕ ಎಲಾನ್‌ ಮಸ್ಕ್ ತಿಳಿಸಿದ್ದಾರೆ.

ಸಾಮಾಜಿಕ ಮಾಧ್ಯಮ ದೈತ್ಯ ಟ್ವಿಟರ್‌ ಕಂಪನಿ ಖರೀದಿಸುವ 44 ಶತಕೋಟಿ ಅಮೆರಿಕನ್‌ ಡಾಲರ್‌ ಒಪ್ಪಂದ ಪೂರ್ಣಗೊಂಡ ಬೆನ್ನಲ್ಲೇ ಮಸ್ಕ್ ಅವರಿಂದ ಈ ಹೇಳಿಕೆ ಬಂದಿದೆ.

“ಪ್ರಸ್ತುತ ಟ್ವಿಟರ್‌ನ ಕಂಟೆಂಟ್‌ ಮಾಡರೇಷನ್‌ ನಿಯಮಗಳಲ್ಲಿ ಯಾವುದೇ ಬದಲಾವಣೆ ಮಾಡಿಲ್ಲ,’ ಎಂದು ಟ್ವೀಟ್‌ ಮೂಲಕ ಅವರು ತಿಳಿಸಿದ್ದಾರೆ.