ಟ್ವಿಟ್ಟರ್ ನಲ್ಲಿ ಎಡಿಟ್ ಫೀಚರ್: ಆದರೇ ಟ್ವಿಸ್ಟ್ ನೋಡಿ ದಂಗಾದ ನೆಟ್ಟಿಗರು !

ನ್ಯೂಯಾರ್ಕ್: ಕಳೆದ ಹಲವಾರು ವರುಷಗಳಿಂದ ಟ್ವಿಟ್ಟರ್ ಸಂಸ್ಥೆಯ ಬಳಿ ನೆಟ್ಟಿಗರು ಎಡಿಟ್ ಬಟನ್ ಫೀಚರ್ ಒದಗಿಸುವಂತೆ ಪದೇ ಪದೇ ಭಿನ್ನವಿಸಿಕೊಳ್ಳುತ್ತಿದ್ದರು.  ಯಾಕೆಂದರೇ ಒಮ್ಮೆ ಯಾವುದೇ ವಿಷಯದ ಕುರಿತಾಗಿ ಟ್ವೀಟ್ ಮಾಡಿದ ನಂತರ ತಪ್ಪುಗಳಾದಲ್ಲಿ ಮತ್ತೆ ಅದನ್ನು ಸರಿಪಡಿಸಲು ಆಗುತ್ತಿರಲಿಲ್ಲ. ಡಿಲೀಟ್ ಮಾಡುವುದೊಂದೇ ಆಯ್ಕೆಯಾಗಿತ್ತು.

ಆದರೀಗ ಟ್ವಿಟ್ಟರ್ ಸಂಸ್ಥೆ ತನ್ನ ಬಳಕೆದಾರರ ಸಮಸ್ಯೆಯನ್ನು ಆಲಿಸಿದ್ದು ಈ ಕುರಿತು ಪೋಸ್ಟ್ ಒಂದನ್ನು ಹಂಚಿಕೊಂಡಿದೆ. ಟ್ವಿಟ್ಟರ್ ನ ಅಧೀಕೃತ ಖಾತೆಯಲ್ಲಿ ಪ್ರಕಟವಾದ ಈ ಪೋಸ್ಟ್ ಮಿಲಿಯನ್ ಗಟ್ಟಲೇ ಜನರ ಗಮನ ಸೆಳೆದಿದ್ದು, ಇಂಟರ್ ನೆಟ್ ನಲ್ಲಿ ಸೆನ್ಸೇಶನ್ ಕ್ರಿಯೇಟ್ ಮಾಡಿದೆ.

You can have an edit button when everyone wears a mask

— Twitter (@Twitter) July 2, 2020

ಹೌದು ! ‘ಪ್ರತಿಯೊಬ್ಬರು ಯಾವಾಗ ಮಾಸ್ಕ್ ಧರಿಸುತ್ತಾರೋ ಅಂದು ಎಡಿಟ್ ಫೀಚರ್ ಅನ್ನು ಒದಗಿಸಲಾಗುವುದು’ ಎಂದು ಟ್ವಿಟ್ಟರ್ ಸಂಸ್ಥೆ ಅಧಿಕೃತವಾಗಿ ತಿಳಿಸಿದೆ. ಆ ಮೂಲಕ ಜನರಲ್ಲಿ   ಕೋವಿಡ್ ಸಂಕಷ್ಟದ ಸಮಯದಲ್ಲಿ ಮಾಸ್ಕ್ ಧರಿಸುವಿಕೆಯ ಅಗತ್ಯತೆಯನ್ನು ಒತ್ತಿ ಹೇಳಿದೆ.

ಈ ಪೋಸ್ಟ್ ಜಗತ್ತಿನದಾದ್ಯಂತ ವೈರಲ್ ಆಗಿದ್ದು 2.2 ಮಿಲಿಯನ್ ಲೈಕ್ಸ್ ಮತ್ತು 626K  ರೀಟ್ವೀಟ್ ಆಗಿದೆ.  ಮಾತ್ರವಲ್ಲದೆ ಅನೇಕರು ಅಭೂತಪೂರ್ವ ಎನಿಸುವಂತಹ ಪ್ರತಿಕ್ರಿಯೆಯನ್ನು ನೀಡಿದ್ದು ಸಾಕಷ್ಟು ಮನರಂಜನೆ ಒದಗಿಸಿದೆ.