ಜೈಪುರ : 900 ಕಿ.ಮೀ. ಅಂತರ ದಲ್ಲಿದ್ದರೂ 26 ವರ್ಷದ ಅವಳಿ ಸಹೋದರರು ಒಂದೇ ಮಾದರಿ ಯಲ್ಲಿ ಸಾವಿಗೀಡಾಗಿರುವ ದುರ್ಘ‌ಟನೆ ರಾಜಸ್ಥಾನದಲ್ಲಿ ವರದಿಯಾಗಿದೆ.
ಸಾರ್ನಾಕೋ ತಲಾ ಎನ್ನುವ ಗ್ರಾಮದವರಾದ ಸಮರ್‌ ಹಾಗೂ ಸೋಹನ್‌ ಸಿಂಗ್‌ ಎಂಬ ಅವಳಿ ಸಹೋದರರು ಸಾವಿಗೀಡಾಗಿರುವ ನತ ದೃಷ್ಟರು. ಸಮರ್‌ ಎಂಬುವಾತ ಗುಜರಾತ್‌ನ ಜವಳಿ ಮಳಿಗೆಯೊಂದರಲ್ಲಿ ಕಾರ್ಯನಿರ್ವಹಿಸುತ್ತಿದ್ದು, ಮೊಬೈಲ್‌ನಲ್ಲಿ ಮಾತನಾಡುವಾಗ ಕಟ್ಟಡದ ಮೇಲಿಂದ ಬಿದ್ದು ಮೃತಪಟ್ಟಿದ್ದಾನೆ.
ಶಿಕ್ಷಕ ವೃತ್ತಿಗೆ ನಡೆಸಬೇಕಾದ ಪರೀಕ್ಷೆಗಾಗಿ ಜೈಪುರದಲ್ಲಿ ಸಿದ್ಧತೆ ನಡೆಸುತ್ತಿದ್ದ ಸೋಹನ್‌, ಸಹೋದರನ ಸಾವಿನ ಸುದ್ದಿ ಕೇಳಿ, ಹುಟ್ಟೂರಿಗೆ ಹಿಂದಿರುಗುವಾಗ ನೀರಿನ ಟ್ಯಾಂಕ್‌ಗೆ ಬಿದ್ದು ಮೃತಪಟ್ಟಿದ್ದಾನೆ ಎನ್ನಲಾಗಿದೆ.
ಅವಳಿ ಸಹೋದರರ ಅಂತ್ಯಕ್ರಿಯೆ ಹುಟ್ಟೂರಿನಲ್ಲಿ ನೆರವೇರಿದೆ. 2 ದಶಕದ ಹಿಂದೆ ಅವಳಿ ಸಹೋದರರ ಜನನಕ್ಕೆ ಸಂತಸ ಪಟ್ಟಿದ್ದ ಇಡೀ ಗ್ರಾಮವೇ ಈಗ ಶೋಕಸಾಗರದಲ್ಲಿ ಮುಳುಗು ವಂತಾಗಿದೆ.
ಸಮರ್‌ ಸಾವು ಆಕಸ್ಮಿಕವಾಗಿರಬಹುದು ಆದರೆ ಸೋಹನ್‌ ಸಾವು ಆತ್ಮಹತ್ಯೆ ಎಂಬ ಶಂಕೆ ವ್ಯಕ್ತವಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
