ಅಫ್ಘಾನಿಸ್ಥಾನದ ಶಿಯಾ ಮಸೀದಿಯಲ್ಲಿ ಅವಳಿ ಸ್ಫೋಟಕ್ಕೆ 20 ಬಲಿ

ಖೋಸ್ತ್ : ಸಾಪ್ತಾಹಿಕ ಪ್ರಾರ್ಥನೆಗಾಗಿ ಶ್ರದ್ಧಾಳುಗಳು ಭಾರೀ ಸಂಖ್ಯೆಯಲ್ಲಿ ನೆರೆದಿದ್ದ ಪೂರ್ವ ಅಫ್ಘಾನಿಸ್ಥಾನದ ಶಿಯಾ ಮಸೀದಿಯಲ್ಲಿ ಇಂದು ನಡೆದ ಎರಡು ಆತ್ಮಾಹುತಿ ಬಾಂಬ್‌ ಸ್ಫೋಟಕ್ಕೆ  ಕನಿಷ್ಠ 20 ಮಂದಿ ಬಲಿಯಾಗಿ ಹಲವು ಡಜನ್‌ ಜನರು ಗಾಯಗೊಂಡರೆಂದು ವರದಿಯಾಗಿದೆ.

ಸಾವಿನ ಸಂಖ್ಯೆ ಹೆಚ್ಚುವ ಭೀತಿ ಇದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ. ಅಫ್ಘಾನಿಸ್ಥಾನದಲ್ಲಿ ಪೌರರನ್ನು ಗುರಿ ಇರಿಸಿ ಉಗ್ರರು ನಡೆಸುತ್ತಿರುವ ಬಾಂಬ್‌ ದಾಳಿಗಳಿಗೆ ಲೆಕ್ಕವಿಲ್ಲದಷ್ಟು ಅಮಾಯಕ ಜನರು ಬಲಿಯಾಗುತ್ತಿದ್ದಾರೆ. 

ಗಾರ್‌ದೇಜ್‌ ನ ಖ್ವಾಜಾ ಹಸನ್‌ ಪ್ರದೇಶದಲ್ಲಿನ ಶಿಯಾ ಮಸೀದಿಯಲ್ಲಿ ಭಾರೀ ಸಂಖ್ಯೆ ಶ್ರದ್ಧಾಳುಗಳು ಪ್ರಾರ್ಥನೆಗಾಗಿ ನೆರೆದಿದ್ದಾಗಲೇ ಉಗ್ರರು ಈ ಅವಳಿ ಬಾಂಬ್‌ ದಾಳಿ ನಡೆಸಿದರೆಂದು ಪಾಕ್‌ ಗಡಿಗೆ ತಾಗಿಕೊಂಡಿರುವ ಪಾಕ್‌ತಿಯಾ ಪ್ರಾಂತ್ಯದ ವಕ್ತಾರ ಅಬ್ದುಲ್ಲ ಹಸರತ್‌ ತಿಳಿಸಿದರು.