ರಾಹುಲ್ ಬಾಬರ್ ಭಕ್ತ, ಖಿಲ್ಜಿ ಸಂಬಂಧಿ; ಬಿಜೆಪಿ ಮುಖಂಡ GVL ಟ್ವೀಟ್!

ನವದೆಹಲಿ: ಬಾಬ್ರಿ ಮಸೀದಿ ಧ್ವಂಸ ಪ್ರಕರಣಕ್ಕೆ ಇಂದಿಗೆ (ಡಿ.6) 25 ವರ್ಷಗಳು ತುಂಬಿವೆ. ಏತನ್ಮಧ್ಯೆ ಅಯೋಧ್ಯೆ ವಿಚಾರಕ್ಕೆ ಸಂಬಂಧಿಸಿದಂತೆ ಬಿಜೆಪಿ ರಾಷ್ಟ್ರೀಯ ವಕ್ತಾ ರ ಜಿವಿಎಲ್ ನರಸಿಂಹ ರಾವ್ ಬುಧವಾರ ವಿವಾದಿತ ಟ್ವೀಟ್ ಮಾಡಿದ್ದಾರೆ.

ರಾವ್ ಅವರ ಟ್ವೀಟ್ ನಲ್ಲೇನಿದೆ?

“ಅಯೋಧ್ಯೆಯಲ್ಲಿ ರಾಮ ಮಂದಿರ ನಿರ್ಮಾಣವಾಗಲು ವಿರೋಧಿಸುವ ಸಲುವಾಗಿಯೇ ರಾಹುಲ್ ಗಾಂಧಿ ಅವರು ಓವೈಸಿ ಹಾಗೂ ಗಿಲಾನಿ ಜತೆ ಕೈಜೋಡಿಸಿದ್ದಾರೆ. ರಾಹುಲ್ ಗಾಂಧಿ ನಿಜಕ್ಕೂ ಬಾಬರ್ ಭಕ್ತ ಹಾಗೂ ಅಲ್ಲಾವುದ್ದೀನ್ ಖಿಲ್ಜಿಯ ರಕ್ತ ಸಂಬಂಧಿ ಆಗಿದ್ದಾರೆ! ಬಾಬರ್ ರಾಮಮಂದಿರವನ್ನು ಧ್ವಂಸಗೊಳಿಸಿದ, ಅದೇ ರೀತಿ ಅಲ್ಲಾವುದ್ದೀನ್ ಖಿಲ್ಜಿ ಸೋಮನಾಥ್ ದೇವಾಲಯವನ್ನು ಲೂಟಿ ಹೊಡೆದಿದ್ದ. ಹೀಗಾಗಿ ನೆಹರು ವಂಶ ಇಬ್ಬರೂ ಆಕ್ರಮಣಕಾರಿಗಳ ಪಕ್ಷವಾಗಿದೆ ಎಂದು ಟೀಕಿಸಿದ್ದಾರೆ.

ಮತ್ತೊಂದೆಡೆ ಜಿವಿಎಲ್ ನರಸಿಂಹ ರಾವ್ ಅವರ ಟ್ವೀಟ್ ಗೆ ಟ್ವೀಗರು ಭಾರತೀಯ ಜನತಾ ಪಾರ್ಟಿಯ ಇಬ್ಬಗೆ ನೀತಿಯನ್ನೇ ಪ್ರಶ್ನಿಸಿ ತರಾಟೆಗೆ ತೆಗೆದುಕೊಂಡಿದ್ದಾರೆ.