ತುಳು ಸೇವಾ ಸಂಘ ನಾಸಿಕ್‌ ವಾರ್ಷಿಕ ವಿಹಾರಕೂಟ

ನಾಸಿಕ್‌, ಜ. 17: ತುಳು ಸೇವಾ ಸಂಘ ನಾಸಿಕ್‌ ವತಿಯಿಂದ ಸಂಘದ ಸದಸ್ಯರಿಗಾಗಿ ವಾರ್ಷಿಕ ವಿಹಾರಕೂಟವನ್ನು ಜ. 12ರಂದು ರವಿವಾರ ಅರಿಂಗಲ್‌ ಫಾರ್ಮ್ ಹೌಸ್‌ನಲ್ಲಿ ವೈವಿಧ್ಯಮಯ ಕಾರ್ಯಕ್ರಮಗಳೊಂದಿಗೆ ಆಯೋಜಿಸಲಾಗಿತ್ತು. ಸಂಘದ ಸದಸ್ಯರು ಹೆಚ್ಚಿನ ಸಂಖ್ಯೆಯಲ್ಲಿ ಈ ವಿಹಾರ ಕೂಟದಲ್ಲಿ ಭಾಗವಹಿಸಿ ಬೆಳಗ್ಗಿನಿಂದ ಸಂಜೆಯವರೆಗೆ ಸಂಭ್ರಮಿಸಿದರು.

ಬೆಳಗ್ಗೆ ಉಪಾಹಾರ, ಮಧ್ಯಾಹ್ನದ ಭೋಜನ, ಚಹಾ, ಪಾನೀಯಗಳ ವ್ಯವಸ್ಥೆಯನ್ನು ಸಂಘದ ವತಿಯಿಂದ ಮಾಡಲಾಗಿತ್ತು. ಸಂಘದ ಪದಾಧಿಕಾರಿಗಳಾದ ಚಂದ್ರಶೇಖರ ಶೆಟ್ಟಿ, ಪ್ರದೀಪ್‌ ಶೆಟ್ಟಿ, ದಯಾನಂದ್‌ ಕುಂದರ್‌, ಹರೀಶ್‌ ಆಳ್ವ, ಪ್ರದೀಪ್‌ ರೈ, ದಾಮೋದರ ಪೂಜಾರಿ ಇವರು ವಿಹಾರಕೂಟವನ್ನು ಸಂಘಟಿಸಿದ್ದರು. ಸಂಘದ ಕಾರ್ಯಕಾರಿ ಸಮಿತಿ, ಮಹಿಳಾ ವಿಭಾಗ ಹಾಗೂ ಹೆಚ್ಚಿನ ಸಂಖ್ಯೆಯಲ್ಲಿ ಸದಸ್ಯರು ಉಪಸ್ಥಿತರಿದ್ದರು.