Advertisement
ಮೋದಿ ಕನಸಿನ ಯೋಜನೆಬೃಹತ್ ಕ್ರಿಕೆಟ್‌ ಕ್ರೀಡಾಂಗಣ ನಿರ್ಮಿಸುವುದು ಪ್ರಧಾನಿ ನರೇಂದ್ರಮೋದಿ ಅವರ ಕನಸಿನ ಯೋಜನೆಯಾಗಿತ್ತು. ಇದರಂಗವಾಗಿ 53 ಸಾವಿರ ಆಸನ ಸಾಮರ್ಥ್ಯದ ಮೊಟೆರಾ ಕ್ರೀಡಾಂಗಣವನ್ನು 2015ರಲ್ಲಿ ಕೆಡವಲಾಗಿತ್ತು. ಆದೇ ಸ್ಥಳದಲ್ಲಿ ಇದೀಗ 1.10 ಲಕ್ಷ ಆಸನ ಸಾಮರ್ಥ್ಯದ ಆಧುನಿಕ ಸೌಕರ್ಯಗಳಿರುವ ಬೃಹತ್‌ ಕ್ರೀಡಾಂಗಣ ನಿರ್ಮಿಸಲಾಗಿದೆ. ಇದಕ್ಕೆ ಸರ್ದಾರ್‌ ವಲ್ಲಭಭಾಯಿ ಕ್ರೀಡಾಂಗಣವೆಂದು ಪುನರ್‌ ನಾಮ ಕರಣ ಮಾಡಲಾಗಿದೆ.
ಸುಮಾರು 100 ಮಿಲಿಯನ್‌ ಡಾಲರ್‌ ವೆಚ್ಚದಲ್ಲಿ ಈ ಕ್ರೀಡಾಂಗಣವನ್ನು ನಿರ್ಮಿಸಲಾಗುತ್ತಿದೆ. ಈ ಮೈದಾನ ಕೇವಲ ಕ್ರಿಕೆಟ್‌ಗೆ ಮಾತ್ರ ಆತಿಥ್ಯ ವಹಿಸುತ್ತಿಲ್ಲ. ಬದಲಾಗಿ ಫ‌ುಟ್‌ಬಾಲ್‌, ಹಾಕಿ, ಬಾಸ್ಕೆಟ್‌ಬಾಲ್‌, ಕಬಡ್ಡಿ. ಬಾಕ್ಸಿಂಗ್‌, ಲಾನ್‌ ಟೆನಿಸ್‌, ಆ್ಯತ್ಲೆಟಿಕ್ಸ್‌, ಸ್ಕ್ವಾಷ್‌, ಬಿಲಿಯರ್ಡ್ಸ್‌, ಬ್ಯಾಡ್ಮಿಂಟನ್‌ ಮತ್ತು ಈಜು ಕ್ರೀಡೆಗೆ ಇಲ್ಲಿ ಅವಕಾಶ ಕಲ್ಪಿಸಲಾಗುತ್ತದೆ.