‘ದೃಶ್ಯಂ 2’ ಚಿತ್ರದಲ್ಲಿ ಅನಗತ್ಯ ಮೇಕಪ್…ನಗೆಪಾಟಲಿಗೆ ಗುರಿಯಾದ ನಟಿ ಮೀನಾ

ಬೆಂಗಳೂರು : ಮಲಯಾಳಂನ ‘ದೃಶ್ಯಂ 2’ ಸಿನಿಮಾದಲ್ಲಿ ನಟಿ ಮೀನಾ ನಟಿಸಿರುವುದು ಗೊತ್ತೆ ಇದೆ. ಈ ಚಿತ್ರದಲ್ಲಿ ನಾಯಕ ಮೋಹನ್ ಲಾಲ್ ಅವರ ಪತ್ನಿಯ ಪಾತ್ರ ಅಚ್ಚುಕಟ್ಟಾಗಿ ನಿಭಾಯಿಸಿದ್ದಾರೆ ಮೀನಾ. ಆದರೆ, ಅವರು ಮಾಡಿರುವ ಪ್ರಮಾದವೊಂದು ಅವರನ್ನ ಟೀಕೆಗೆ ಗುರಿಯಾಗಿಸಿದೆ.

ಈ ಸಿನಿಮಾದಲ್ಲಿ ಅವರು ಮಧ್ಯಮ ಕುಟುಂಬದ ಗೃಹಿಣಿಯಾಗಿ ಸಹಜ ನಟನೆಯಿಂದ ಸೈ ಎನ್ನಿಸಿಕೊಂಡಿದ್ದಾರೆ. ಆದರೆ, ಅವರ ಈ ಪಾತ್ರಕ್ಕೆ ಗ್ಲಾಮರ್ ಲುಕ್ ಅಗತ್ಯತೆ ಇರಲಿಲ್ಲ. ಮೀನಾ ಅವರದು ಡಿಗ್ಲಾಮರಸ್ ಪಾತ್ರ. ಸಿನಿಮಾದ ಕೆಲವೊಂದು ದೃಶ್ಯಗಳಲ್ಲಿ ಸ್ವಲ್ಪ ಅತೀ ಎನ್ನಿಸುವಂತಹ ಮೇಕಪ್ ಮಾಡಿಕೊಂಡಿದ್ದಾರೆ. ಚಿತ್ರದಲ್ಲಿಯ ಕೆಲ ಸನ್ನಿವೇಶಕ್ಕೆ ಅವರ ಡಿ-ಗ್ಲಾಮರಸ್ ಲುಕ್ ಬೇಕಾಗಿತ್ತು. ಇದನ್ನು ಸೂಕ್ಷ್ಮವಾಗಿ ಗಮನಿಸಿರುವ ಸಿನಿಮಾ ನೋಡುಗರು ಮೀನಾ ಅವರನ್ನ ಟೀಕಿಸಿದ್ದಾರೆ.

ಇನ್ನು ಮೀನಾ ಮೇಕಪ್ ಬಗ್ಗೆ ವ್ಯಕ್ತವಾದ ಟೀಕೆಗಳಿಗೆ ಉತ್ತರಸಿರುವ ನಿರ್ದೇಶಕ ಜೀತು ಜೊಸೆಪ್, ದೃಶ್ಯಂ ಸಿನಿಮಾದಲ್ಲಿಯೂ ಮೀನಾ ಅವರು ಟೀಕೆಗೊಳಗಾಗಿದ್ದರು. ಈ ಚಿತ್ರದಲ್ಲಿ ಅವರ ಪಾತ್ರ ಡಿಗ್ಲಾಮರಸ್ ಲುಕ್ ಬೇಡುತ್ತಿತ್ತು. ಆದರೆ, ಈ ಲುಕ್‍ನಲ್ಲಿ ನಟಿಸಲು ಮೀನಾ ಅವರಿಗೆ ಇಷ್ಟವಿರಲಿಲ್ಲ. ಮೇಕಪ್ ಮಾಡಿಕೊಂಡೆ ಕ್ಯಾಮರಾ ಎದುರು ಕಾಣಿಸಿಕೊಂಡರು ಎಂದಿದ್ದಾರೆ.