ತ್ರಿವಳಿ ತಲಾಖ್‌: ಕೇಂದ್ರಕ್ಕೆ ಸುಪ್ರೀಂ ಕೋರ್ಟ್‌ ನೋಟಿಸ್‌

ಹೊಸದಿಲ್ಲಿ: ತ್ರಿವಳಿ ತಲಾಖ್‌ ಕುರಿತಂತೆ ಕೇಂದ್ರ ರೂಪಿಸಿದ ಕಾನೂನು ವಿರುದ್ಧ ಸಲ್ಲಿಸಲಾದ ಅರ್ಜಿಗಳ ಕುರಿತ ವಿಚಾರಣೆಯನ್ನು ಸುಪ್ರೀಂ ಕೋರ್ಟ್‌ ಕೈಗೆತ್ತಿಕೊಂಡಿದೆ.

ಇತ್ತೀಚೆಗೆ ಕೇಂದ್ರ ಸರಕಾರ ಮುಸಲ್ಮಾನ ಮಹಿಳೆಯರ (ರಕ್ಷಣೆ ಮತ್ತು ವಿವಾಹದಲ್ಲಿನ ಹಕ್ಕು) ಕಾಯ್ದೆ 2019ನ್ನು ಅಂಗೀಕರಿಸಿತ್ತು. ಆದರೆ ಕಾಯ್ದೆಯಲ್ಲಿ ಅನ್ಯಾಯವೆಸಗಲಾಗಿದೆ. ಇದು ಮುಸ್ಲಿಂ ಸಂಪ್ರದಾಯಗಳಿಗೆ ವಿರುದ್ಧವಾಗಿದೆ ಎಂದು ಆರೋಪಿಸಲಾಗಿದೆ. ಈ ಕುರಿತ ಅರ್ಜಿಗಳನ್ನು ನ್ಯಾ|ಎನ್‌.ವಿ.ರಮಣ ಮತ್ತು ನ್ಯಾ| ಅಜಯ್‌ ರಸ್ತೋಗಿ ಅವರಿದ್ದ ನ್ಯಾಯಪೀಠ ವಿಚಾರಣೆಗೆ ಮಾನ್ಯ ಮಾಡಿದೆ. ಜತೆಗೆ ಕೇಂದ್ರ ಸರಕಾರಕ್ಕೆ ನೋಟಿಸ್‌ ಮಾಡಿದೆ.