ಚಾರ್ಮಾಡಿ: ಕಾರಿನ ಮೇಲೆ ಬಿದ್ದ ಮರ ಸಂಚಾರ ಬಂದ್

ಬೆಳ್ತಂಗಡಿ: ಮೂಡಿಗೆರೆ ತಾಲೂಕಿನಾದ್ಯಂತ ಭಾರೀ ಮಳೆಯಾಗುತ್ತಿದ್ದು ಮಂಗಳವಾರ ಸಂಜೆಯ ವೇಳೆ ಚಾರ್ಮಾಡಿ ಘಾಟ್ ನ 10 ನೇ ತಿರುವಿನಲ್ಲಿ ಬೃಹತ್ ಗಾತ್ರದ ಮರವೊಂದು ರಸ್ತೆಗೆ ಉರುಳಿದ ಪರಿಣಾಮ ವಾಹನ ಸಂಚಾರ ಸ್ಥಗಿತಗೊಂಡಿದೆ.

ನಿರಂತರ ಮಳೆ ಸುರಿಯುತ್ತಿರುವ ಹಿನ್ನೆಲೆಯಲ್ಲಿ ರಸ್ತೆಗೆ ಉರುಳಿದ ಮರದಿಂದ ಕಿ.ಮೀ ಗಟಲ್ಲೇ ಸಾಲುಕಟ್ಟಿ ನಿಂತಿರೋ ವಾಹನಗಳು.

ಈ ಸಂದರ್ಭ ಸ್ಥಳಕ್ಕೆ ಬಂದ ಸಮಾಜಸೇವಕ ಹಸನಬ್ಬ ಅವರ ಕಾರಿನ ಮೇಲೆ ಮತ್ತೊಂದು ಮರ ಬಿದ್ದು ಪವಾಡ ಸದೃಶ ರೀತಿಯಲ್ಲಿ ಹಸನಬ್ಬ ಪಾರಾಗಿದ್ದಾರೆ.

ಹಸನಬ್ಬ ಚಾರ್ಮಾಡಿ ಘಾಟಿನಲ್ಲಿ ಯಾವುದೇ ಸಮಸ್ಯೆ ಬಂದರು ಮೊದಲು ಸಹಾಯಕ್ಕೆ ಬರುತ್ತಿದ್ದ ವ್ಯಕ್ತಿ.

ಘಟನೆಯಿಂದ ಸಂಚಾರ ಸಂಪೂರ್ಣ ಸ್ಥಗಿತಗೊಂಡಿದೆ.