ರಾಜಹಂಸ ಬಸ್‌ ಮೇಲೆ ಬಿದ್ದ ವಿದ್ಯುತ್‌ ಕಂಬ:ತಪ್ಪಿದ ಭಾರೀ ಅನಾಹುತ

 ಮಡಿಕೇರಿ: ಜೋಡುಪಾಲ ಬಳಿ ಮಂಗಳವಾರ ಬೆಳಗ್ಗೆ  ಹೆದ್ದಾರಿಯಲ್ಲಿ ಭಾರೀ ಮಳೆಗೆ ವಿದ್ಯುತ್‌ ಕಂಬವೊಂದು ಚಲಿಸುತ್ತಿದ್ದ ಕೆಎಸ್‌ಆರ್‌ಟಿಸಿ ರಾಜಹಂಸ ಬಸ್‌ ಮೇಲೆ ಉರುಳಿದ್ದು, ಅದೃಷ್ಟವಷಾತ್‌ ಭಾರೀ ಅನಾಹುತ ತಪ್ಪಿ ಹೋಗಿದೆ. 

ಬಸ್‌ನಲ್ಲಿದ್ದ ಯಾರಿಗೂ ಹಾನಿಯಾಗಿಲ್ಲ,ಬಸ್‌ಗೆ ಸ್ವಲ್ಪ ಪ್ರಮಾಣದ ಹಾನಿಯಾಗಿದೆ. ಕಂಬ ಬೀಳುವ ವೇಳೆಯಲ್ಲಿ ವಿದ್ಯುತ್‌ ಸರಬರಾಜು ಸ್ಥಗಿತಗೊಂಡಿತ್ತು ಎಂದು ತಿಳಿದು ಬಂದಿದೆ. 

ಕಂಬ ಬಿದ್ದ ಪರಿಣಾಮವಾಗಿ ಮಂಗಳೂರು-ಮೈಸೂರು ಹೆದ್ದಾರಿಯಲ್ಲಿ ಸುಮಾರು 2 ಗಂಟೆಗಳ ಕಾಲ ಸಂಚಾರ ಸ್ಥಗಿತವಾಗಿ ವಾಹನ ಸವಾರರು ಪರದಾಡಬೇಕಾಯಿತು.