ದಕ್ಷ ಅಧಿಕಾರಿಗಳನ್ನು ವರ್ಗಾವಣೆ ಮಾಡುತ್ತಿರುವುದು ಸುಗಮ ಆಡಳಿತಕ್ಕೆ ಪೂರಕವೇ ?

ಮಣಿಪಾಲ: ಸರಕಾರಗಳು ಬದಲಾದಂತೆ ದಕ್ಷ ಅಧಿಕಾರಿಗಳನ್ನು ವರ್ಗಾವಣೆ ಮಾಡುತ್ತಿರುವುದು ಸುಗಮ ಆಡಳಿತಕ್ಕೆ ಪೂರಕವೇ ? ಎಂಬ ಪ್ರಶ್ನೆಯನ್ನು ‘ಉದಯವಾಣಿ ತನ್ನ ಓದುಗರಿಗೆ ಕೇಳಿದ್ದು ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಆಯ್ದ ಕೆಲವು ಇಲ್ಲಿವೆ.

ಎ ಆರ್ ಶಿವು ಶಿವು: ಜನಪರ ಮತ್ತು ದಕ್ಷ ಅಧಿಕಾರಿಗಳನ್ನು ಕೆಲಸವಿಲ್ಲದೇ ಕೂರಿಸುವುದು ಮತ್ತು ಅಂತಹ ಜಾಗಕ್ಕೆ ವರ್ಗಾಯಿಸುವುದರಿಂದ ಯಾರಿಗೂ ಪ್ರಯೋಜನವಿಲ್ಲ.

ರಮೇಶ್ ಬಿ ವಿ: ಆ ದಕ್ಷ ಅಧಿಕಾರಿಗಳು ಪಕ್ಷಾತೀತವಾಗಿ ಕೆಲಸ ಮಾಡಿದರೆ ಈ ವರ್ಗಾವಣೆ ಪರಿಸ್ಥಿತಿ ಬರೋದೇ ಇಲ್ಲ. ಆದರೆ ದುರದೃಷ್ಟವಶಾತ್ ಎಲ್ಲಾ ಜವಾಬ್ದಾರಿಯುತ ಅಧಿಕಾರಿಗಳು ಯಾವುದಾದರೂ ಒಂದು ಪಕ್ಷಕ್ಕೆ ವಿಧೇಯರಾಗಿರುತ್ತಾರೆ. ಹಾಗಾಗಿ ಆಡಳಿತದಲ್ಲಿರುವ ಪಕ್ಷದವರು ತಮಗೆ ವಿಧೇಯರಾಗಿರುವವರನ್ನೇ ಮುಖ್ಯ ಸ್ಥಾನಗಳಲ್ಲಿ ಇರಿಸುತ್ತಾರೆ.

ಸೈಮನ್ ಫೆರ್ನಾಂಡಿಸ್ ; ಯಾರಿಗೆ ಸುಗಮ. ಪ್ರಜೆಗಳಿಗೋ.. ಪ್ರಭುಗಳಿಗೋ ? ತಿಳಿಯದು

ಗಂಗಾಧರ್ ಉಡುಪ ; ದಕ್ಷ ಅಧಿಕಾರಿಗಳನ್ನು ಈ ರಾಜಕಾರಣಿಗಳು ಬಿಡಬೇಕಲ್ಲ, ಕೆಲಸ ಒಳ್ಳೇದು ಮಾಡಿದ್ತೆ, ವಿರೋಧ ಪಕ್ಷದವರು ಬಿಡಲ್ಲ, ಅವರು ಆಡಳಿತ ಪಕ್ಷದವರ ಪರ ಇದ್ದಾರೆ ಅಂತಾರೆ, ಇಲ್ಲಾಂದ್ರೆ ಅವರು ನಾವು ಹೇಳುವ ಹಾಗೆ ಕೇಳಲಿಲ್ಲ ಅಂತ ವಿರೋಧ ಮಾಡುತ್ತಾರೆ

ಪೂರ್ಣಪ್ರಜ್ಞ ಪಿ ಎಸ್ ; ಇದು ನಿಜಕ್ಕೂ ಖೇದಕರ ಸಂಗತಿ, ಸರಕಾರಿ ನೌಕರರ ಕ್ಷೇಮಾಭಿವೃದ್ಧಿ ಮತ್ತು ಅವರ ವರ್ಗಾವಣೆ ಮೇಲಿನ ಹಿಡಿತ ಯಾವುದೇ ಶಾಸಕ ಅಥವ ಯಾವುದೇ ಪಕ್ಷಕ್ಕೆ ನೀಡಬಾರದು, ಸರ್ವಪಕ್ಷ ದ ಸದಸ್ಯರನ್ನು ಒಳಗೊಂಡ ಒಂದು ವಿಭಾಗದಿಂದ ಈ ಕಾರ್ಯ ನಿರ್ವಹಿಸುವ ಹೊಣೆ ಇರಬೇಕು. ಪಕ್ಷಗಳು ಅಧಿಕಾರದ ಲಾಲಸೆಗಾಗಿ ಇಂತಹ ಪದೇಪದೇ ವರ್ಗಾವಣೆ ಮಾಡಿದರೆ, ಆಡಳಿತಾತ್ಮಕ ವಿಷಯಕ್ಕೂ ಹಾಗೂ ವರ್ಗಾವಣೆಗೆ ಒಳಪಡುವ ದಕ್ಷ ಅಧಿಕಾರಿಗಳ ಮಾನಸಿಕ, ಕೌಟುಂಬಿಕ, ಮುಖ್ಯವಾಗಿ ನೌಕರರ ಮಕ್ಕಳ ಶಿಕ್ಷಣಕ್ಕೆ ಪದೇ- ಪದೇ ಶಾಲೆ ಬದಲಾವಣೆ ಯಂತಹ ತೊಂದರೆ ಉಂಟಾಗುತ್ತದೆ.

ಗಂಗಾಧರ್ ಎಂ ಎಸ್ ಕೆ: ಯಾವ ಅಧಿಕಾರಿಗಳು ಪ್ರಾಮಾಣಿಕರು? ಪ್ರಾಮಾಣಿಕರು ಒಂದೋ ಕೊಲೆಯಾದರು ಇಲ್ಲಾಂದ್ರೆ ಸ್ವಯಂ ನಿವೃತ್ತಿ ಪಡೆದರು. ಇಲ್ಲದಿದ್ರೆ ಕೆಲಸವಿಲ್ಲದೇ ಡಿಪಾರ್ಟ್ಮೆಂಟ್ ಗೆ ವರ್ಗಾವಣೆ ಆಗುತ್ತಾರೆ. ಲೆಕ್ಕದ ಕೆಲವರು ಇದ್ದಾರೆ. ಉಳಿದವರು ಮತ್ತೊಬ್ಬರಿಗೆ ಬಕೆಟ್ ಹಿಡಿಯುವವವರೇ

ವಿನಯ್ ಸಿ ಜಿ: ದಕ್ಷ ಅಧಿಕಾರಿಗಳನ್ನು ವರ್ಗಾವಣೆ ಮಾಡುತ್ತಿರೋದು ಭ್ರಷ್ಟ ಅಧಿಕಾರಿಗಳನ್ನು ರಾಜಕಾರಿಣಿಗಳ ಅವಶ್ಯಕತೆಗೆ ಅನುಸಾರ ಕೆಲಸ ಮಾಡುವವರನ್ನು ರಾಜಕಾರಿಣಿಗಳಿಗೆ ಬೇಕಾದ ಹಾಗೆ ಉಪಯೋಗಿಸೋದಿಕ್ಕೆ ಬ್ರಷ್ಟರನ್ನ ಆ ಜಾಗಕ್ಕೆ ಕೂರಿಸೋದಿಕ್ಕೆ, ಪ್ರಾಮಾಣಿಕ ಅಧಿಕಾರಿಗಳನ್ನು ಬೇರೆಡೆಗೆ ವರ್ಗಾಯಿಸುತ್ತಿದ್ದಾರೆ. ಪ್ರಾಮಾಣಿಕ ಅಧಿಕಾರಿಗಳು ಕೇವಲ ಬೆರಳೆಣಿಕೆಯಷ್ಟೇ ಇದ್ದಾರೆ ಹೊರತು ಎಲ್ಲರೂ ಪ್ರಾಮಾಣಿಕರಲ್ಲ.