ರೈಲುಗಳ ಮುಖಾಮುಖಿ ಡಿಕ್ಕಿ: ಕನಿಷ್ಠ 12 ಪ್ರಯಾಣಿಕರಿಗೆ ಗಾಯ

ಹೈದರಾಬಾದ್: ಎರಡು ರೈಲುಗಳ ಮುಖಾಮುಖಿ ಡಿಕ್ಕಿ ಸಂಭವಿಸಿ ಕನಿಷ್ಠ 12 ಜನರು ಗಾಯಗೊಂಡ ಘಟನೆ ತೆಲಂಗಾಣದ ಕಾಚಿಗೊಡಾದಲ್ಲಿ ಸೋಮವಾರ ನಡೆದಿದೆ.

ಪಾಲಾಕ್ನೂಮ್ ಕಡೆಗೆ ತೆರಳುತ್ತಿದ್ದ ಎಂಎಂಟಿಎಸ್ ರೈಲು ಮತ್ತು ಕರ್ನೂಲ್ ಕಡೆಯಿಂದ ಬರುತ್ತಿದ್ದ ಹ್ಯಾಂಡ್ರಿ ಎಕ್ಸ್ ಪ್ರೆಸ್ ರೈಲುಗಳ ನಡುವೆ ಮುಖಾಮುಖಿ ಡಿಕ್ಕಿ ಸಂಭವಿಸಿದೆ.

ಒಂದು ರೈಲಿನ ಡ್ರೈವರ್ ಸಿಲುಕಿಹಾಕಿ ಕೊಂಡಿದ್ದು, ರಕ್ಷಣಾ ಕಾರ್ಯ ತ್ವರಿತಗತಿಯಲ್ಲಿ ನಡೆಯುತ್ತಿದೆ.

ಮಾನವ ತಪ್ಪುಗಳ ಕಾರಣದಿಂದ ಈ ಅಪಘಾತ ಸಂಭವಿಸಿದೆ ಎಂದು ರೈಲ್ವೆ ಅಧಿಕಾರಿಯೋರ್ವರು ತಿಳಿಸಿದ್ದಾರೆ.