ದಂಡ ಕಟ್ಟಿದ ರಶೀದಿ ಕೇಳಿದ್ರೆ ಬೀಳ್ತಾವೆ ಗೂಸಾ: ಚಿಕ್ಕಮಗಳೂರಲ್ಲಿ ನಡೆದ ಘಟನೆ 

ಚಿಕ್ಕಮಗಳೂರು: ನೂತನ ಮೋಟಾರು ವಾಹನ ಕಾಯ್ದೆ ಅನುಷ್ಠಾನಕ್ಕೆ ಬಂದ ನಂತರ ಜಿಲ್ಲೆಯಲ್ಲಿ ಕೆಲ ಟ್ರಾಫಿಕ್ ಪೊಲೀಸರ ಕಿರಿಕಿರಿ ಮಿತಿ ಮೀರಿದ್ದು ವಾಹನ ಸವಾರರು ದಂಡ ಕಟ್ಟಿದ ರಶೀದಿ ಕೇಳಿದರೆ ಗೂಸಾಗಳು ಬೀಳುತ್ತಿವೆ.

ಸವಾರರೊಬ್ಬರು ದಂಡ ಕಟ್ಟಿದ ಮೇಲೆ ರಶೀದಿ ಕೇಳಿದ್ದಕ್ಕೆ ಟ್ರಾಫಿಕ್ ಪೊಲೀಸ್ ಪೇದೆ ಮಂಗಲ್ ದಾಸ್ ಕೆಂಡಾಮಂಡಲವಾಗಿದ್ದು, ಅವಾಚ್ಯವಾಗಿ ಬಯ್ದು ಹೊಡೆಯಲು ಮುಂದಾದ ಘಟನೆ ನಡೆದಿದೆ.

ಪೇದಯ ದೌರ್ಜನ್ಯದ ಈ ವಿಡಿಯೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು, ಜನರಿಂದ ಆಕ್ರೋಶ ವ್ಯಕ್ತವಾಗಿದೆ.