ಸುಳ್ಯ: ಬೈಕ್ ಚಲಾಯಿಸಿ ಪೊಲೀಸರ ಕೈಗೆ ಸಿಕ್ಕಿ ಬಿದ್ದ ಅಪ್ರಾಪ್ತ; ಪೋಷಕರಿಗೆ 10 ಸಾವಿರ ದಂಡ

ಸುಳ್ಯ : ಅಪ್ರಾಪ್ತ ಬಾಲಕನೋರ್ವ ದ್ವಿಚಕ್ರ ವಾಹನ ಚಲಾಯಿಸಿ, ಪೊಲೀಸರಿಗೆ ಸಿಕ್ಕಿಬಿದ್ದಿದ್ದು,  ಆತನ ಪೋಷಕರಿಂದ ದಂಡ ವಸೂಲಿ ಮಾಡಿದ ಘಟನೆ ವರದಿಯಾಗಿದೆ.

ದೇವಚಳ್ಳ ಗ್ರಾಮದ   ಸುರೇಶ ಎಂಬವರ ಪುತ್ರ ದ್ವಿಚಕ್ರ ವಾಹನವನ್ನು ಚಲಾಯಿಸುತ್ತಿದ್ದಾಗ ಆತ ಪೊಲೀಸರ ಕೈಗೆ ಸಿಕ್ಕಿದ್ದು, ಪ್ರಕರಣ ದಾಖಲಿಸಿಕೊಂಡಿದ್ದರು. ಬಳಿಕ ಪ್ರಕರಣವನ್ನು ನ್ಯಾಯಾಲಯಕ್ಕೆ ಒಪ್ಪಿಸಲಾಗಿತ್ತು.

ಪ್ರಕರಣಕ್ಕೆ ಸಂಬಂಧಿಸಿದಂತೆ ದ್ವಿಚಕ್ರ ವಾಹನ ಚಲಾಯಿಸಲು ತನ್ನ ಅಪ್ರಾಪ್ತ ಪುತ್ರನಿಗೆ ನೀಡಿದುದಕ್ಕಾಗಿ  ಬಾಲಕನ ತಂದೆ  ಸುರೇಶ್ ಎಂಬವರಿಗೆ  ಸುಳ್ಯ ನ್ಯಾಯಾಲಯವು ಡಿ.18 ರಂದು ರೂ.10 ಸಾವಿರ ದಂಡ  ವಿಧಿಸಿದೆ.