ಗುರುವಾಯನಕೆರೆ: ಡೀಸೆಲ್‌ ಖಾಲಿಯಾಗಿ ರಸ್ತೆ ಮಧ್ಯೆ ನಿಂತ ಬಸ್‌

ಬೆಳ್ತಂಗಡಿ: ಡೀಸೆಲ್‌ ಖಾಲಿಯಾಗಿ ಖಾಸಗಿ ಬಸ್ಸೊಂದು ರಸ್ತೆ ಮಧ್ಯೆ ನಿಂತ ಪರಿಣಾಮ ಗುರುವಾಯನಕೆರೆಯಲ್ಲಿ ಶನಿವಾರ ಸಂಜೆ ಪ್ರಯಾಣಿಕರು ಪರದಾಡುವಂತಾಗಿದೆ.

ಬೀದರ್‌ನಿಂದ ಧರ್ಮಸ್ಥಳಕ್ಕೆ ಯಾತ್ರಿಕರನ್ನು ಕರೆ ತರುತ್ತಿದ್ದ ಬಸ್‌ ಗುರುವಾಯನಕೆರೆ ಸಮೀಪ ರಸ್ತೆಯಲ್ಲೇ ನಿಂತ ಪರಿಣಾಮ ಒಂದು ಗಂಟೆಗೂ ಹೆಚ್ಚು ಕಾಲ ರಸ್ತೆ ಸಂಚಾರಕ್ಕೆ ತೊಡಕಾಯಿತು.

ಬೆಳ್ತಂಗಡಿ ಸಂಚಾರ ಪೊಲೀಸರು ಸ್ಥಳಕ್ಕಾಗಮಿಸಿ ಬಸ್‌ ತೆರವುಗೊಳಿಸಿದರು. ಈ ಮಧ್ಯೆ ಸಂಜೆ ಮಳೆಯಾದ್ದರಿಂದ ನಾಲ್ಕು ಕಡೆ ರಸ್ತೆ ಮಧ್ಯೆ ವಾಹನ ಸರತಿ ಸಾಲಿನಲ್ಲಿ ನಿಂತಿದ್ದವು.